Popular Bible Verses from 1TIMOTEUS 2

Share

Oshoka Kalunga ogumwe awike, naangoka a hanganitha aantu naKalunga, ogumwe, omuntu Jesus Kristus, ngoka i igandja, a ninge iikulila yaantu ayehe. Shika osha ningwa pethimbo lyo opala, oshoka Kalunga okwa li a hala aantu ayehe ya hupithwe.

Omakumagidho gandje ogo ngaka: Tangotango naku ningwe omaindilo, omagalikano, omagalikaneno nomahambelelo koshipala shaKalunga omolwaantu ayehe. Naku galikanenwe aakwaniilwa naapangeli ayehe, opo tu kale nokukala kwa ngungumana nokwombili mokusimaneka Kalunga akuhe nomikalo omiwanawa.

Onda hala, aalumentu ya galikane akuhe nokuyelutha omaako gawo pombanda yaa na uutondwe nomalimbililo. Onda hala wo, aakiintu ya dhiladhile nawa kombinga yomizalo dhawo, yo ya zale oonguwo dhi shi kutalwa nodha yogoka. Inaa panda omafufu ya zalekwe oombandi dhiingoli nomagwe taga adhima nenge oonguwo dhi na ondilo. Peha lyaambika kaleni mu udha iilonga iiwanawa, ngaashi sho opalela aakiintu ooitaali.