Popular Bible Verses from 1TIMOTEUS 1

Share

Ohapu ndjika oyoshili noyi shilela okutaambwa nokwiitaalwa: Jesus Kristus okwe ya muuyuni, a hupithe aalunde, nangame omulunde omunene ndi vule aalunde ayehe.

Onda hala ndi tye: Kalunga okwa sile ndje ohenda, opo Jesus Kristus a holole mungame komeho gaayehe eidhidhimiko lye alihe lyokwiidhidhimikila ndje. Ngame onda ningi oshiholelwa shaayehe mboka taye ke mu itaala, ya mone omwenyo gwaaluhe.

Elalakano lyekumagidho ndika olyo oku ya penduthila ohole tayi zi momwenyo gwa yela, meiyuvo ewanawa nomeitaalo lyashili.

Kalunga awike, omukwaniilwa gwaaluhe, ngoka kee na ehulilo noiha monika, na hambelelwe ye na simanekwe aluheluhe! Amen.

Otu na okutseya kutya oompango ihadhi ningilwa aantu mboka haa longo uuwanawa, ihe aayoni naakolokoshi, aakeenakonasha naKalunga naalunde, mboka kaaye na eiyapulo nuukwambepo, aadhipagi yoohe nooyina nosho wo aadhipagi yalwe, aahondeli, omashenge naalali nomashenge, aayakipo yaantu, aafundja naamboka haa gana iifundja nenge haa ningi shoka inaashi tsa kumwe nelongo ndyoka lyu uka.