Popular Bible Verses from Pag-ighit 7

Share

Magkun ti PANGINUUN sa kan Muysis, “Pagpatingi kawu! Buwatun niku kawu ga diyus sa atubangan hari Ihiptu. Manhampang kawu sa kanya sa panab-anan nimu patar-ari ni Aarun.

Dapat paganitun niku ti tagipusuun hari Ihiptu. Una waya mamuwat aku mayamu makadululaw ag lilingutan pag manga bagay sa Ihiptu, balaw diman siya maniwala sa kanyu. Bag-u parusahan gid niku masyadu ti Ihiptu, ag palpasan niku ti manga linahi Israil kang nasakupan.

Nu maparusahan yi niku ti manga Ihipsiyu ag nipalwas yi ti manga Israilita sa kanda nasyun, maalaman manga Ihipsiyu aku ngani ti PANGINUUN.”

Ipinatawag waydi hari Ihiptu kay manga dunungin pag tawu hanggan manugsalumangka. Sa panab-anan nida salumangka, nabwat diman nida ti katida pag makadululaw. Ti kada usa sa kanda nagyamut kanda sugkud ag nagbaliw diman waydi ulay. Dapat hinalun ulay ni Aarun kanda pag manga ulay.

Aku, ti PANGINUUN magkun, sa panab-anan niku manga buwat, maalaman nimu aku ti PANGINUUN. Bantayan nimu! Sa panab-anan inda pag sugkud, hampakun niku ti danum Nilu ag bumaliw dugu kay danum.

“Nu sabihun hari Ihiptu pagbuwat kamu makadululaw, sabiha nimu Muysis sa kan Aarun, ‘Iyamut nimu ti sugkud sa atubangan hari Ihiptu, ag bumaliw ulay inda.’ ” Nakan nag-atag ngani sida ni Muysis ni Aarun sa hari Ihiptu ag binwat ti sinabi PANGINUUN. Iyinmut ni Aarun ti sugkud niya sa atubangan hari Ihiptu hanggan niya manga may kangaranan, ag nagbaliw ulay inda.