Popular Bible Verses from Luka 5

Share

Gonde angelenu walisaya ei pereyaomare Yesu nipumi Saimono para lalore, Neeme nena kawaso mo ipa kendo wia lena nena kawaso dalimi awari puae, lisaya. Gupuma nee pange nena anda muma ae nena amenu rapu nimina angona nu raayo go ipa para repali mealiminya lopalepae, lisaya.

Gupi lisayanda Saimono nipumi nipuna angele yango liada ara lalore, Andaa alio, go rimbala andasuna naa raayosimi go angona nu raayo rana andapu go ipa para loparimapare repali ora komea mendasinda pange na-meama, lisaya. Go pamapare neeme lalore, Nimina angona nu raayo wala ipa para lopalepa, lalendare ora epeleale lopamonoae, lisaya. Go au pisimiya dinare nimumi repali ora waru andapu misimiyandare monde angona nu raayore rumbialumboma runguduame rapisaya.

Go pisimiyapare Yesu nipumi mo wenaalinu minyapalaoma mo weambi pi su para wenaali na-ae para puma Gode para yainya pulame puala pisaya.

Ni epe auri epe rupa aema leme wenaalinu nimuna ambala ao-paluae rupa giaoma nimuna koae aunu kepedapa doameya na-epawapare ni epe auri wenaalimi raname na-komoaeme repaa nimuna ambalana ao-paluae rupa giaoma nimuna pa aunu kepedapa doameya epawa.

Gupisaya ei andoma Saimono Pida nipumi yalame komala ara nipuna kalu andainyaoma Yesu para lalore, Realio, niri koae aunu puayo ali ayole, ni giaoma puae, lisaya.

Go einare Yesu nipumi nimuna angele yango liada ara lalore, Mo wenaalinu menda para yainya na-komelemendare dokeda alinu para na-puaemepare ora yainya komoaeme wenaalinu komea dokeda ali para puaeme, lisaya.

Go einare mo kawaso yolama mo ipa repaa lena ma-sumare nimuna olemole raayo minyapalaoma nipuna kou nane ara Yesu raluma paisimiya.

Rana menda Yesu nipuri ree anda menda para aisaya. Go nipu aisaya anda parare kindi yainya komisaya ali menda aisaya. Go alimi Yesu andomare nipu repara epa kongeyala ara lalore, Andaa Alio, neeme rana pilindare ni ma-epealindare ana piliae, lisaya. Go lisaya angele pangoma Yesu nipumi nipuna ki rindapeaoma mo alina dona waraoma nipumi nipu para lalore, Na rana pea eiri nee ma-epealua, lisaya. Neme lalole nena kindi yainya komele ei pereya, lisaya. Go lisayandare go gole mo kindi yainya komisaya ei perelisaya.

Go angele lisayaparere wenaali raayome Yesu nipumi pisaya einu andasu raayo para la eiri pamisimiya. Go einare wenaali andapumi Yesu nipuna lisaya angelenu pangolame pange nipumi nimuna yainyanu ma-epeainya ipisimiya.