Popular Bible Verses from 1 Pida 3

Share

Nimina ruparare Keriso komea nimina Andaa Ali ainya dapape. Go nimina kone rulaoma aeme alena mendame nimi lora piliandare gore ladaminya lele puma alepape. Nimu repara angele doamere ora kuma pi rupa ladapape. Nimina rupara rendepona ara dapape. Nimi repara koae angele alenda demendare gore nimimi epe aunu pulu ara Yesu raluma pulumi eina demendare gore nimuna gole yalame komeleme.

Akepeare ande Realimiri ora rendepona aeme wenaali komea andere-aoma nimuna yainya peme einu komea pangoaya. Koae aunu puaeme repaare kou walea.

Mandaa yongole komea au na-lalepape. Go au na-piri none nena runane pea aumi komea nee ma-epe-ainyalape. Go epe aulea eiri ora na-peredea pange Gode ora rana ma-pae au gonda. Runane wia kuma pi eimiri go epe au ma-laoaya.

Ande Godena angele wia bukamere gupi lea. Menda apimi epe aunu andari pualua kone wiliandare nipumi yayapi angele na-lo pange koae angelenu na-lena. Koae aunu repara kou waloma ora nipuna pu ruparare ora epe aunu komea wasualia. Gupuma naare raayosi kuma pi rupa ao-ape eina raname komoalia.

Go angele ambia neme gupa lo pora poalo. Nimi raayo komea kone suma menda menda repara epepe aunu puma amealu leale andainyaoma ao-alepape. Mendame koae aunu piliandare neeme wala koae aunu na-pumoneape. Epe aunu pumoneape. Akepeare Godeme nee wi le auri epepe aunu painyaya wi lea pange nipumi naa repara epepe aunu pilia.

Nimi ora epe aunu puluame rapo alimindare nimiri apimi waraliayapae.

Koae aunu repara kou waloma ora nipuna pu ruparare ora epe aunu komea wasualia. Gupuma naare raayosi kuma pi rupa ao-ape eina raname komoalia.

Godena rana deandare gore epe au pili eina rendaa milindare epelea. Koae aunu pili eina rendaa mi auri kolea.