Popular Bible Verses from Liike 5

Share

Ɛ́ hɔ́ lɛ á bie àá ɓɛ́ vɔ́, á khie bie lɛ́ Simɔn ɛ́ nɛ làa: «Khɛ̃̀ún vɛ zɔ le viì lɛ ɲumu buò hũn, ɛ̀ kɔ̀pe àá mì ńkɔhĩ́ ɛ̀ táa mi tàahĩ́ kóo ɛ̀ mì pɛ ɓɛ ciè.»

Ɛ́ Simɔn zɔn bie lɛ́ à ǹ ɛ́ nɛ làa: «Ɲunsɔ, ké tɛ́ hɔ́ sṹnúhṹn míkùi ɛ́ tan kɛ́ ké yí yí bòo dɔ̀ wɛ̀. Kɛ́ hɔ́ lɛ ɛ́ hɔ́ iè kɔ̀pe ɛ́ temu bie, ɛ́ nin táa hɔpe tàahĩ́ ɛ̀ kóo.» Ɛ́ ɓɛ́ wo táa hɔ̀ tàahĩ́ ɛ́ kóo, ɛ́ ɓɛ́ ciè lɛ ɛ́ ɓɛ́ yú ɛ́ hɛ̀ buò fúu ɛ́ hɔ́ tàahĩ́ ɛ́ hɛ̀ mii khã̀akɛ.

Kɛ́ Yiezu pe den hṹn ɛ́ wóò mun míte ɛ̀ lé vɛ hɔ vuò lɛ ɛ́ nìnbirìe mí hũn ɛ̀ vɛ hɛ̃un Dɔfĩn.

Ɛ́ ɓɛ́ yí ɓɛ́ nìnbirìe lɛ tĩì ɛ̀ ɓɛ̀ nɛ ɓɛ́ cã̀aní ɛ́ ń ɓɛrɛ ɛ́ nín ɓen ve wɛ̀; kɛ́ ɓɛ́ iè ɓɛ̀lɛ ɛ́ dũ kɛ́ ɓɛ́ iè ɓɛ̀ bɔ̀konwériè; bòo lɛ ɛ́ wé ɛ̀ ɓɛ̀ zɛ̀ní ɓɛ́ tĩɛ̀ àá ɓɛ́ bɔ̀werà.»

Ɛ́ hɔ́ lɛ ɛ́ Simɔn Piɛre ɛ́ mɔn hɔ̀pe sí, á kùerɛ siɛ mí nunkɛ́yìe lɔ̀n Yiezu híɛhɔ́ à zɔn bie lɛ́ à ɛ́ nɛ làa: «Khɛ̃̀ún vɛ ɛ̀ kɔ̀ kɛ́ mi iè hɔ̀ lɛ ɛ́ ǹ iè bɔ̀konwé.»

Ɛ́ Yiezu ɛ́ zɔn bie lɛ́ ɓà ǹ ɛ́ nɛ làa: «Ɓɛ̀ yí ɓɛ́ nìnbirìe lɛ lɔ̀n hie ɛ́ temu mɛ̀kóo wi Dɔkɔtɔrɔ ǹ wɛ̀, kɛ́ ɓɛ́ iè ɓɛ̀ dɔriè.

Ɛ́ ɓɛ́ dàa hɔ̀ ɲumu wuò sɔ ɛ́ dàa ɓen lɔ́ lé sṹsùnù, ɛ̀ ɓɛ̀ fùɛrɛ̀sí hɔ̀ ǹ míkùi ǹ ɛ̀ ɓɛ̀ khie bɔ̀ Yiezu máahṹ.

Ɛ́ hɔ́ lɛ ɛ́ Yiezu wi hɔ lóo dɔ̀ hũn; ɛ́ nùún dɔ̀ lɛ tɛkɛ̀a míkùi ɛ́ hɔ́ ɓèrému ɛ́ híɛnin ɛ́ van ɓɛrɛ. Ɛ́ hɔ́ lɛ á mɔn Yiezu, á van ɓúrɛsí lé sṹsùnù piè híɛhɔ́, à ɛ́ ɔ̀ hɛ̃nnin ɛ́ nɛ làa: «Ɲunsɔ, kɛ́ kɔ́ hṹn wɛ, ɛ́ kɔ́ dɛ̀ ɛ́ lɛ́ ɛ́ nín wɛ ɛ́ wé nìnbírɔ lɛ ɛ́ ce.» Ɛ́ Yiezu líeniɛ mí núnú ɛ́ lɔ́ han ɔ̀ ǹ à zɔn nɛ làa: «Ń wɛ hɔ, ɛ́ kɔ̀ wo wɛ.» Ɛ́ mí laà hũn á nùún sɔ ɓèrému yòó lɔ́ piè lɔ̀n.

Ɛ́ Yiezu yèrè wo hṹn khie lé cɔ́, ɛ́ ɓɛ́ miikɛ nìzã̀amáa ɛ́ wóò vɛ kóo ɓánlɔ̀n ɛ̀ dàá ɲí piè bòo, à dàá wiɛní peɓɛ̀ duò.