Popular Bible Verses from Maariko 7

Share

Mu‑mwoyo gwa omuunu nimwo obhusooka obhwiganirisya obhubhiibhi, obhusengani, obhwifi, obhwiti, obhuromesi, omuruuru gwa ebhiinu, obhujabhi, obhujigi, orukubho, orwiso, amafumo, echigundu na obhutaamutaamu. Amabhiibhi ago goone agasooka mu‑mwoyo gwa omuunu, na nigo agamukora ajabhiyare.”

Chitari‑wo echiinu chinu echiingira mu‑nda ya omuunu chinu echitura okukora ajabhiyare. Nawe, jinu ejisooka mu‑mwoyo gwa omuunu nijo ejimujabhiyasya. [

Yeesu ˆnaabhasubhya ati, “Emwe muri bheerimaanya. Nyamuwanga ꞉aayikire echimari inguru yeemwe okutura ku‑muragi Iisaya ati, ‘Abhaanu bhanu abhanaana echibharo kwa emisango era, nawe emyoyo jeebhwe jiri kura na anye.

Abhandamya kutyo era, kwa okubha emisango jinu abheeyigisya ni maragiriro ga abhaanu era.’”

Yeesu ˆnaagenderera okubhabhwira ati, “Emwe omusigaga ebhiraagiro bhya Nyamuwanga, omuruubhaga jitungwa ja bhasaaja weemwe.