Popular Bible Verses from Ruuka 3

Share

Omwanya gunu abhaanu bhoone bhaamarire okubhatiijibhwa, Yeesu wone ˆnaabhatiijibhwa. Omwanya gunu aariga ˆnaasabhwa, orwire nirwiguka, Mwoyo Mweru ˆneeka inguru yaaye rwa echiguuti, obhuraka nibhusooka mu‑rwire, nibhwayika ati, “Awe naawe Omwana waani omwendwa! Naawe owunkondisya!”

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga. Mwasiga okwitogera ati, Nyamuwanga aribheekirisya, kwa okubha omwikumangya ati, ‘Eswe chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.”

Rwa kutyo jikaamirwe mu‑chitabho cha omuragi Iisaya ati, “Obhuraka bhwa omuunu unu kaabhirikira mw‑ibhara ati, ‘Muchumachumire Raatabhugenyi injira, mwimye anu kaja okutura. Amateka goone gasiikirwe, ebhiima na otwima bhyone bhinyaraganyibhwe, anu ekiikire emibhwe, anu kaayaraata atereresibhwe, niwo abhaanu bhoone bharirora obhuchungusi okusooka ku‑Nyamuwanga.’”