Popular Bible Verses from Marko 6

Share

Na awajowela, Muhichaye mwenga mwawene pa mweya pandu pa lipululu, na mupumulile huti. Pakukita wakayili wingi wakuhicha na wingi wakubita, na wakayili lepa nu lukumbi lunofu haka lwa kulya.

Ni wayili mu kukuwasika pa yombe. Nu Yesu akajowiti kwa wombe, Wa kulweta nukuya wangali liginiko, lema pa ujengo wa dadi mundu, ni pa nsafi wake mwene, ni pa nyumba yake mwene.

Na pakapititi yombe, akaloliti lipuga likulungu, na akatoliki lipyana kwa wombe, ndawa wakayili ngati mambelele gangali wa kudima: na akatumbwili kuwayigalisa fingi.

Ni akahotwili lepa bahapa kukita kindu kya mbafu, lema pakalekili mawoko pa wakulegeleka wachokope, akawalwasiti. Na akakangichi ndawa pangali kukela kwawe. Na akasyungutili pa mihali yawe kuyigalisa.

Na akatoliti mikate mhano ni somba siwili sila, na akaloliti kunani, na akapili kihomo, na akametwili mikate yila; na akawapili wanafunsi nausi wawawikile wombe; ni somba siwili akawagawili woha. Na wakalili woha, na wakatupili. Na wakatondwili fimenyumenyu, masenjele kumi na gawili, na fya somba kawili.