Popular Bible Verses from Luka 7

Share

Ndawa ya iki nikujowela, Sambi syake, sikayili mingi, silekelasiki; ndawa akaganiti kwingi: leka uyu alekelasiki pachoko, yombe agana pachoko. Na akajowiti kwa yombe, Sambi syako silekelasiki.

Leka akajowiti kwa ndala, Kiyitakiso kyako kikuyokwili; bita pa kindamba.

na pakayimi panyuma pa magulu gake, kililile, akatumbwili kumhulusila masoli pa magulu gake, nakagasungwili ni liyunju lya pa mutu wake, nakamiangiti njayo syake, nakabakisi mafuta gala.

ndawa iyi nikiwalingi lepa namwene wakuyenela kukuchila: koma utawile lilowe, nu mpalo wangu yalamasike. Pakuya nenga nani niyii mundu wakuwikika pasi pa chengo, ni askari niyii nawo pasi pa nenga: ni ninjowela uyu, Genda, ni agenda; nu yungi, Hicha, ni ahicha; nu mbanda wangu, Kita iki, ni akikita. Leka Yesu pakayufwini aga, akahikalili pa yombe, na apa akang’anamukili akajowiti kwa lipuga lya kunkisa yombe, Niwajowela mwenga, Nikakolili lepa kiyitakiso ngati iki, haka pa Israel.

Pa saa yiyilayila akawalamisi wingi pa mautamu gawe ni mitimbo ni roho siwifu; na wingi wakukoyoka miho akawapili kulola kawili. Na pakahigiti, akajowiti kwa wombe, Mugendaye mwanja, mupindilaye Yohana ndumi sya ifi mufiweni ni kuyufwana; wakukoyoka miho walola kawili, wakuchipila wagendagenda, wa matana waguyulika, wa kisiwasi wayufwa, wakufwa wasyusika, na kwa wagaju yiwandasika evangel.