Popular Bible Verses from FILIPPI 1

Share

Note sungah hih nasep hoih a hong pankhia Pasian in Jesuh Khrih hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi. Tua hileh Khrih hong paikik ni ciangin paubaanna om loin a siangtho na hi ding uh hi.

Bang hang hiam cih leh Khrih a’ ding bekin a nungta ka hi a, si taleng zong kei a dingin hoihzaw semsem lai hi.

Note ka hong phawk simin ka biak Pasian tungah ka lungdamna ka ko hi.

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

Bang hang hiam cih leh Khrih’ na sep nading hunpha zong note tungah a hong kipia hi a, Khrih upna tawh ama na a sem hi bek loin, thuakna tawh zong a sem ding na hi uh hi.