Popular Bible Verses from MARKA 2

Share

Jesuh in hih thu a zak ciangin amaute kiangah, “Cidamte in siavuan kisam lo uh a, cina mite bek in kisam uh hi. Mite in a zahtak mihoihte a kisik nadingun a sam dingin a hong pai ka hi kei a, mite in a pampaih mite a kisik nadingun a sam dingin a hong pai ka hi hi,” a ci hi.

Jesuh in hih mite’ up mahmahna thu a muh ciangin khutlekhezaw mipa kiangah, “Ka ta aw, na mawhnate hong kimaisak hi,” a ci hi.

Tua ciangin Jesuh in, “Sabbath ni, mihingte’ phattuam nadingin a kibawl hi a, mihing pen Sabbath ni a phattuam nadingin a kibawl hi lo hi.

Ahi zongin mihonpi kinehlua ahih manin Jesuh kiangah paipih thei lo uh hi. Tua ahih manin Jesuh’ omna san inn tungkhum hongletin, a lupna pheek tawh a mipa a khaisuk uh hi.

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a ci hi. Tua ahih manin khutlekhezaw mipa kiangah, “Tho-in na lupna pheek la inla, na inn-ah ciah in,” a ci hi.

Hih khutlekhezaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baihzaw ahi hiam?

Tua mipa zong amaute khempeuh’ muhin tho a, a lupna pheek la-in a paikhia pah hi. Amaute khempeuh in lamdangsa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.