Popular Bible Verses from MARKA 1

Share

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

“A hunhoih hong tungta a, Pasian’ Uk ding hun hong kipanta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Tui sung panin Jesuh a thawhkhiat khit phetin vantung kihongin, ama tungah vakhu bangin Kha Siangtho a hong kumsuk a mu hi. Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Keimah in tui sungah note kong phum a, amah in Kha Siangtho sungah note hong phum ding hi,” a ci hi.

Jesuh in amau tegel kiangah, “Kei hong zui un; nga mat bangin mi tampi a huaite kong suaksak ding hi,” a ci hi. Amau tegel in zong a ngen uh nusia-in Jesuh a zuipah uh hi.

A thuhilhna a za mi khempeuh in ama thugenna zia hangin lamdang a sa uh hi. Amah in Thukham hilh siate bangin thu gen loin aana nei mite bangin thu a genzaw hi.