Popular Bible Verses from MARKA 13

Share

Keima hangin Gentail mi khempeuh in note hong mudah ding uh a, ahi zongin a sih dongun a thuakzote in hotkhiatna a ngah ding uh hi.

Tua hun ding thei lo na hih manun kikemin pilvang un.

Note hong kimanin, thusitna a thuak dingin thukhen zumah hong kipaipih ciangin bang gen ding ihi hiam, ci-in ma lunghihmawh kei un. A thugen ding pen note hi loin Kha Siangtho ahih manin a hun tak ciangin na gen dingun a hong kisawl peuhpeuh na gen un.

Van le lei mangthang ding a, ahi zongin ka thugente mangthang ngei lo ding hi.

“Ahi zongin tua ni le tua nai hun ding kuamah in thei lo hi. Vantunga om vantung mite ahi a, Tapa ahi keimah in ahi zongin ka thei kei a, ka Pa bek in a thei hi.

A gamla a galkidona thute le a nai-a galkidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Inn nei pa, nitak ahi a, zankim ahi a, zingsang ak khuankuan ahi a, zingsang khuavak khit ahi zongin a bang hunin hong tung ding cih thei lo na hih manun ngakin na pilvang un. Tua hikeileh amah thakhatin hong tungin na ihmut laitakun hong tuakkha ding hi. Note tungah kong gen mah bangin mi khempeuh tungah zong, ‘Ngakin na pilvang un,’ ka ci hi,” a ci hi.

Minam khat le minam khat, kumpi khat le kumpi khat kido ding uh hi. Mun tuamtuamah zin hong ling ding a, kial zong hong tung ding hi. Hihte khempeuh pen gimna kipatna hi pan hi.

Ahi zongin hun beina a tun ma-in mi khempeuh tungah Lungdamna Thu kihilh masa phot ding hi.

Keima min pua-in mi tampi hong pai ding uh a, ‘Keimah, Khrih ka hi hi,’ ci-in mi tampi a khemzo ding uh hi.

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

“Tua haksatna hun khit ciangin ni hong mial ding a, kha hong taang nawn lo ding hi. Van panin aksite hong kia ding a, vantung a om nate a omngei bangin omthei nawn lo ding hi.