Popular Bible Verses from MARKA 12

Share

Jesuh in, “Thukham a lianpen in: Israel mite aw, ngai un: I Topa Pasian bek mah Topa ahi hi. Na Topa Pasian uh, na lungsim khempeuh, na nuntakna khempeuh, na pilna khempeuh, le na thahatna khempeuh uh tawh na it un, a cihna ahi hi. A nihna in: Nangma pumpi na it bangin na vengte na it in, cihna ahi hi. Hih tegel sangin thukham a lianzaw a dang om nawn lo hi,” ci-in a dawng hi.

Tua ciangin a nungzuite sam a, “Adangte khempeuh sangin hih mizawng meigongnu in tam khia zaw hi. Bang hang hiam cih leh adangte in a neihval a lamval sung panun a khia uh ahi hi; ahi zongin amah zawng mahmah napi-in ama kivak nading nangawn siit loin a neih khempeuh a khiakhin ahi hi,” a ci hi.

Biakinn sumpi khiatna kuang gei-ah Jesuh tu a, mihonte in sumpi a khiat laitakun a en hi. A haute in tampipi hong khia uh hi. A zawng meigong numei khat zong hong pai a, sumnen tang nih hong khia hi.

Mite in a lungsim khempeuh, a pilna khempeuh, le a hatna khempeuh uh tawh Pasian itin, amau pumpi a it bangin a vengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupizaw takpi hi,” a ci hi.

Tua ciangin Jesuh in, “Tua ahihleh, Sisar’ neihsate Sisar’ tungah pia unla, Pasian’ neihsate Pasian’ tungah pia un,” a ci hi. Tua ama thudawnna hangin lamdang a sa mahmah uh hi.