Popular Bible Verses from मारकुस 9

Share

येसुङा हिट्‌ना लोडुए, “चोक्‍मा आहिडुटु नुङ् पोङ् याङ्आलोङाना? बिस्‍वास काचोक्‍बाचि लोङ्‌सा सोब्‍बे रिङ् लिमा हियुक्॥”

ना रिङ् खेम्‍सुङ् हिट्‌ना बेला डोक् उप्‍पा राट्‌टाउङ् लोडुए, “काहिसिक्‍बा, आङा बिस्‍वास चोगुङ्‌टुङ्॥ आझा जोम् बिस्‍वास चोक्‍मा काहिबा लिमा लोङ्‌सा घुवार याङ्‌फाडा॥”

जब येसु पाङ् भिट्‌रा लिगे हिट्‌नुङ् ओचेलाचि उन् ओएकेले लिसाना बेला नाड्‌डे उसिलाप्‍टुए, “आन्‍याँम्‍बाक् हिट्‌ना ओचाफेन्‍ना रिमेट् पोङ् होट्‌मा हिनेट्‌निम्‍माना?” हिट्‌नुङ् येसुङा हिट्‌नागा ओचेलाचि लोडुचे, “ना पारागा टोंडेबाउम् बिन्‌टि चोगुमुङ् एरोक् रिक्‍मा हिडुम्‍टुम्॥”

युम् नुना ए, टरो युम्‌ङाना ओसाम् खाडे भोने, हिट्‌ना खोड्‌डेउङ् युम्‍युम् लोना चोक्‍माना? हिट्‌नुङ् खानि चोला युम् गाड्‌डे डोक् नुम्‍नुम् चोगानुम्, हिट्‌नुङ् सोब्‍बेलोक् टोङानिउङ् युङानि॥”

“जुन्‍ङा आनिङ्‌ङि नाड्‌डेगा खाट्‌टिउगा ओओचि माया चोगुचिचि, हिट्‌नाँ आङा चा माया याङ्‌चोक्‌युक्, हिट्‌नुङ् जुन्‍ङा आङा माया याङ्‌चोक्‌युक् हिट्‌नाँ आङा माखाक्, टरो आङा याङ्‌पाङ्‌साना माङ्‌हाङ् पाबा माया चोगुटु॥”

आङा छेम्‍बा डोक् खानि लोनाँनि, जुन् याप्‌मिङा खानि खिरिस्‍टङा ओयाप्‌मिचि नुङ् आनिङ्‌ङि ठिक् खोरे चुवा एडोक् ठुङ्‌मा मापिडिटि, हिट्‌नाँ उन्‍ङाना इनाम् खोना बेला चा मासुन्‍ना॥”

येसुङा फेरि लोडुचे, “जुन्‍ङा आङाङि बिस्‍वास काचोक्‌चि नाड्‌डेगा खाट्‌टिटियुगा याप्‌मिचि पाप चोक्‍मा मेट्‌टुटु भोने, हिट्‌नालोङ्‌सा ओठोॽवारिक्‌ङि ठिक् ठेना लुङ्‌गेॽवाङाना झाँटा रेक्‍टुम्‌बिडुमुङ् सामुन्‍दराङि लेप्‍टुम्‍नाँ डोक् हिट्‌ना लोङ्‌सा ओचेट्‌नुना लियुक्॥

हिट्‌डेडोक् कामिक्‌ङा पाप चोक्‍मा मामेट्‌युक् भोने, हिट्‌ना होट्‌टुङ् लेप्‍टुडिसु, पोङ्‌भोने इप्‍पोक् मिक्‌लोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मिक् माले माङ्‌हाङ् उमुलुक्‌ङि लिग्‍मा नुलोक् लियुक्॥