Popular Bible Verses from लुका 10

Share

छेम्‍बा डोक्, आङा साट्‌टुरङाना बोल् मेप्‍माना आधिकार खानि पिनैनाने॥ हिट्‌नुङ् बिखालु ओप्‍पु लोक् बिच्‌छिचि चा आयेप्‍टुम्‌चिम्‌चिम्॥ हिट्‌नुङ् खानि पाक्‍ङा चा हान्‌ति चोक्‍मा माहिडिन्‍गा॥

टरो येसु डाङ्‌बाङा हिट्‌ना लोडुए, “मारथा, मारथा खान् याप्‍मा रिङ्‌ङि चिन्‍टा आचोगुङ् कानिङ्‌ग्‍वा याङ्‌छामा चाट्‌टुन्॥ टरो खान् लोङ्‌सा ठिक् रिङ् एडोक् चाहाब् आलिसाइसे, हिट्‌ना ओचेट्‌नुना रिङ्‌म्‍बाक् मारियामङा सेगुएसुए॥ ना रिङ् उन्‌लाम्‍मा नाप्‌निना॥”

हिट्‌नुङ् हिट्‌ना याप्‌मिङा येसु लोडुए, हिट्‌नि नाड्‌डे छेप्‍टाइसे, “‘खान्‍ङा कामाङ्‌हाङ् डाङ्‌बा ख्‍वाप्‍पा कानिङ्‌ग्‍वालाम्‍मा, ख्‍वाप्‍पा कासोक्‍मालाम्‍मा, ख्‍वाप्‍पा काबोल्‌लाम्‍मा, ख्‍वाप्‍पा काठोनालाम्‍मा डोक् माया चोगु’, हिट्‌नुङ् ‘खान्‍ङा आप्‍पे गाड्‌डे डोक् काटाक्‍लुङ्‌चि चा माया चोगुचि॥’”

हिट्‌नुङ् येसुङा हिट्‌नागा नाड्‌डे लोडुचे, “चासोङ् जोम् सोङ्‌ग्‍मैडे टरो चासोङ् काहेग्‍बाचिम्‍बाक् खाट्‌टिप्‍मा एडोक् ओवाहेट्॥ नाड्‌डेउङ् चासोङ्‌ङाना डाङ्‌बाङि उन्‍ङाना चासोङ् छुम्‍मा टोॽवालासि काचोक्‍बा याप्‌मिचि याप्‌मि पाङ्‌साबिडा नुङ् बिन्‌टि ठाङ्‌सानुम्॥

ना मुन्‍डुम् येसुङा माट्‌टुङ् हिट्‌ना याहुदिचिगा धारमाबिधि काहिसिक्‍बा याप्‌मि सिलाप्‍टुए, “नागा सुम्‍बाङ् याप्‌मिचिङि खोनाम्‍बाक् याङ्‌काखुट्‌चिङा सिलोक् ओलेम्‍सुना याप्‌मिङाना ओटाक्‍लुङ् लिसेना टे?” हिट्‌ना याहुदिचिगा धारमाबिधि काहिसिक्‍बाङा येसु लोडुए, “ना लुक्‍मा काटुक् याप्‌मिम्‍बाक् सिमा हिङ्‌मा लिसाना याप्‌मिङाना ओटाक्‍लुङ् लिसे नुङ् माट्‌टुए॥” येसुङा धारमाबिधि काहिसिक्‍बा लोडुए, “हिट्‌नाडे भोने, खान् चा हिट्‌ना याप्‌मि गाड्‌डे डोक् चोगा॥”

हाट्‌ले खानिङा ना रिङ् ठाहा टोगानुम् आङा खानि ब्‍वाँसोचि माझै ठुँबा उइछाचि गाड्‌डे डोक् याप्‌मिचि सोरि पाङ्‌नागेट्‌नानि॥ लु खाडानि॥