Popular Bible Verses from Ja̰ 19

Share

Kɨɗɨn̰ ga Jesu ƴɨbe cɛrɛ gɨ dasi le sol ɨni na, ban ye hɨn̰: «Te hɨnga nɔm ayaŋ coŋ ɨni.» Ɨni na, ban de cayi dugo bɨ, hɨmbɨ.

Kardi nee, Jesu sol gɨ te hɨnga nɔm ayaŋ ɨni na, ban ye kɔl ɗe gɨ hɨnga ga kan ba walge duroy Magtubu di da Kumu dɨŋ le, na or kɨɗɨn̰dɨge gaŋ. Ban ye hɨn̰: «Gamase dəŋ.»

Kɨɗɨn̰ ga Jesu sol ƴoyi bɨ, ba-aye-cay-tɨbayi gɨ ban geyi tɔgɨ ɨre mɨnde durdo bɨ na, ban yen̰ ƴoyi hɨn̰: «Tama, sɨla kurɔndɛɛ ba kɔ.» Kardi nee ban yen̰ ba-aye-cay-tɨbayi yeyi hɨn̰: «Sɨla, na ƴon̰ ba ɨre kɔ.» Bɨ ayɨn̰ toy a tɨwadi di nee dɨŋ le, ba-aye-cay-tɨbayi le orɨn̰ danaa a tayi.

Kɨɗɨn̰ ga kan bugoŋge a cay Jesu ɨni na, kan solge gɨ ban ma ɨni, lee gɨ pɨyage tɨbayi naŋ. Ama asɨgar gɨ pɨna wo̰ jɨb gasɨbi dan̰ dagɨɗɨ, ɨni na, kɔl gɨ kɨbɨna kɛ bɨ, kɨbar dan̰ kaŋ bɨ, andɨgaŋ.

Kɨya wa hɨnga ga nee le nɔm lee gusɨge na ɗe kɔl gɨ kan walge duroy Magtubu di da Kumu dɨŋ le, na or kɨɗɨn̰do gaŋ. Kan walge hɨn̰: «Isidi pɨna wo̰ kalɨn̰ ma, kɨya buyoŋ naŋ.» Kɔl gɨ kan walge duroy Magtubu di ɗaŋ dɨŋ kalɨn̰ ma ye nee coŋ hɨn̰: «Kan kɨya aye cɨndɨge solɨn̰ ban gɨ kan jɨbiige dan̰ dagɨɗɨ le.»

Jesu gusi ba-aye sɨya koyi gɨ dagɨli, den̰ kɨɗɨn̰ andɨn̰ a cay ƴaa-di-gumu di Jerusalɛm dɨŋ doŋ bɨ, orɨn̰ andɨn̰ kɨɗɨn̰ ga teegege Isi-ca, gɨ kan teege dan̰ kɨbɨ əbɨro naa Golgota le.

Kɨɗɨn̰ ga kan somdiige ɨni na, asɨgarn̰əŋ gaɗɨge jagɨwa-tɨrɨmbala ga ni gɨsɨm dobiige cayi gɨ ni sogii bɨ, kan dobiige badɨge ga yɨle pen̰ ga ni tɨrɨmbala gusi nee bɨ.