Popular Bible Verses from Mark 14

Share

“Ōm keya fō rrwene sese bonga. Kabria, fō gurrku sese ge nyer ge rrō rrwene nam rrō rongtane lolong mwe hakbe ge mwe hakbe. Te neng fō lōne rrwene eb yen ge ni nam temelole. Te neng fō rrwene eb yen ge neng nga ōm temelole.”

“Musu teter kii, emsu tamtamyaō tebyan ge emsu lōn murr lon tewekyaan. Lolomsul mwe hel, te tablimsul mo loloō ten.”

“Be fetinan, nam rrō fe byane gimi, en ōrr bonga ran tan ge fyan, efe suuto rral ge rrwu ne ni, te ha ge yamyarr ge a ma rrwene me ne ni, efe nga saarōne te efe nga rrinmōle nge.”

Ngate te fe byane ge nyesul le ge, “Lon lolong me myaō ge me myaō ge fyaasi ena myarr ne. Emsu rrō taa bwe. Tōlō wu ne ge emsu rrō fwerr. Emsu rrō wowor tebyang.”

Bone ge err rrō yen, Iyesu te ktu betamyee, te tamtamyaō te jene siba byane Yafukon tebyan. Ngate te kbwiti te sene byane nyer, te te fe, “Gimi mi ktu, ge li be tabling.”

Te nge te ktu blaye ne wekonkon, te jene siba byane Yafukon tebyan. Ngate te sene byane nyer, te ete mnu. Ngate te fe byane nyer ge, “Ge li be rrang ge eba rrwene surketean mwena Yafukon e fyarr. Rrang eb gurr te eb halku vanten eb lam.

Ngate Iyesu te fe byane nyer ge, “Nelibung ge nga li nga, mwenami rrinketean eb murr te emi mkumku metene ni, tebyan ge lon Tuuankon, Yafukon me fe ge, “ ‘Ena toō kabnu vanten ne terfon sibsib an, ngate sibsib nyer efe mkumku rrrarrra.’

“Musu totor, te su a. Musu lhe! Vanten ge mwe jerrne ni byane vanten hakbe nyer, nge rrō me fyaasi a burr.”

Iyesu te fe byanen ge, “Fetinan, nam rrō fe byane neng. Nelibung ge nga li nga, bone ge to eb lōne rrrer eve bya rō bwe, te fō fe eve bya sul burr ge ōrr rrlō yekya ni.”