Popular Bible Verses from Mark 13

Share

“Vanten nyer lor eb aa bya gimi nga bho tebyang. Te he ge hu e fyarr eb hel lon mwenan rrinketean tere mwenan jenjenan eb tongve giri wobung, Yafukon eb nga halku nge metenen mwenan hakbean. Eba rrwene ge nge tōlō ngrengre e vya lon ōrr ne jenjenan.”

Ngate Iyesu te haasine mwenan susuran, te te fe, “Emi uumyarr sene sese ge nyer a, te lomi eb ren, tebyan ge mi rrlō kya ge sese ge nyer a eb tamtamtee bone ge be.

“Te bone ge efe hale gimi, te efe rrya gimi bya lon suran, lumi eb lōn myorr, te emi lōn rrinrrin tam tebyan ha nge emi fe byane nyer. Te emi fe rral ha ge Nin Myuran Kon eb sene byane gimi konon e lon ge nga le. Tebyan ge eb lōn ve gimi nge emi susur, a Nin Myuran Kon nge eb sur tere gimi.

“Ōrr ge mre long tōngtōng te tan ge fyan ge a ebrō hlahlal, te tolong ge a eb lōn e hlal wobung te hu.

“Vanten te hu tōlō yekya wobung te liyal ne sese ge nyer a eb tamtee. Abhyobhyorkon nyer, te Terere Mleng mwena Yafukon ge be hu nga, nyer err rrlō yekya, Teta Yafukon nga mwe yekya.”

“Te lumi eb lōn myorr bone ge emi rongtane ge balan nyer mo ho nga fyaasi ne ken, te rral e balan ge mo ho hatin metene ken. Sese ge nyer le eb tamtamtee nyer bwe, te ge le tōlō e giri wobung bwe nge le.

“Gimi mōn emi uumyarr sene lamōlan mwena yafu ne im, tebyan ge mi rrlō yekya bone ge be nge eb tamtee, beha en tarariu hu, a beha lon tablibung hu, a beha bone ge to nyer efe rrō rrrer, a beha fyan ōrr ren. “Nge eba me belbel ten. Tōlō wu ne ge gimi emi fwerr bo ho bone ge eb la mōl me. “Ha ge nam rrō fe byane gimi, a nam rrō fe byane vanten bonga mōn ge, ‘Lomi eb ren nga bho!’ “

“Te vanten nyer efe rrō bal byane vanten rrute, te vere nyer efe rrō bal byane vere mnimnii nyer. En ōrr mnimnii nyer ran tan ge fyan rur eb rrō gnyi, te fyasi eb rru ran vere worhu. Sese ge nyer le mwe yen ge yamyarr hu, mwe nga nga rrō rongtane jenjenan ne linglingan. Jenjenan ge nyer a mwe yen ge rrō tang bari jenjenan ne giri wobung.

“Vanten ne suutoan nyer ne rral ge rrwu ne Iyesu, efe suuto byane buluim bonga ne vere bonga ran tan ge fyan ge li bwe, lo giri wobung sirr.

“Tebyan ge vanten eve lol efe me, te efe me rrō susur fyan sang. Te efe rrō fe ge, ‘Ni nge, nam be Mesaya,’ te efe rvi vanten eve lol.

“Te gimi emi terfon sene gimi. Nyer efe hale gimi te efe rrya gimi bya lon suran te efe fngifngi gimi lon imkon kakae ne tamtamyaōan. Te emi fyarr en mō ne yafu lamlam ne vere nyer, te metan king ne vere nyer tebyan ge mim be mweneng vanten ho. Bone ge emi rrō fyarr lon metar, emi fe rral ge rrwu a byane nyer tebyang.

“Vanten worhu efe konkone ge em be Mesaya ho, a em be brrofet ho, te efe rrwene sese worhu ge eb hubsine mwenar helan, te efe rrwene sese worhu ge vanten nyer efe non metenen mōn. Efe rrwene eb yi le tebyan ge efe konku vanten nyer, te efe rrwekya ge efe konku vanten ge nyer ge Yafukon te hrene nyer ho burr, ge em be mwenan ge. Te efe lōn yekya ge efe nga rrwene tebyan ge Yafukon mu rru goro nyer.

Iyesu te hobyarron mwenan hōwōōwōan te fe, “Bone ge wobung nyer ne rongtane mwe hakbe an ge rrlam eb nong, “ ‘Yal eba me e bung melemleng, ōl eb lōn nga kor, meho nyer lon tōngtōng efe goo, te helan nyer ge mo ho lon tōngtōng mere, Yafukon eba gnyine nyer te efe roō metenen ōrr ge err ho en.’