Popular Bible Verses from MATTHEW 5

Share

Tike kumono timi ye akulu küqüpe ali no qhove chemoe, ikemu akibepu lo qhino aki lo akemi kümtsü lau aküvü tsü cheni. Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

“Nongu ye ayeghiqha küvü ke. Atoghi lo aphughi akeu ye küsüve mlae.

“Amlo tsüghükhüi kemi kümghapue, kughengu panongu no Alhou ithulu nani.

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

Ikemu I no nongu vilo piani, No ghümi kimiyelo eno khunono nongu ghimeqhi cheni keno, panongu ghenguno inikhu tsülo

“Aghungu lo kumlhomi shikemi kümghapue, kughengu kungugha yekipe ye panow ke.

“Külakishimi kümghapue, kughengu panongu ye Alhou tianuli ipi ku nani.

“Khunono mloqa cheni keno akümghapue, kughengu panongu lokughuno tsünani.

“Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

“Kimiyeqhiyi chekemi kümghapue, kughengu panongu ye kimiyeqhiyi keu ithulu nani.

“Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue. Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

“Mtshaivü kemi kümghapue, kughengu panongu no ayeghi mheghi ighilu nani.

“Nongu ye ayeghi lomi miti ke, ikemu amti no aküqhü kühave aye, kishino ti ye qhümzai kithelu peni kea? Ti ye kiumu avehu kühave no ikhipe apukhu no nedave cheni.

Tighenguno kungugha lo nongu Papu no kupukülai ketoi nongu ghi kupukülai masae.

Nongu ye ‘Iyei’ pi kepu lo mtsümishei ‘Iyei’ pive, momu ‘Moe’ pi kepu lo ‘Moe’ pivelo, hinguno alau ye alhoksau launo ighi cheni.

“Ishi pikeu nongu no chiluvae, ‘Anhethi theli lo anhethi, ahu theli lo ahu.’ Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

O nhethi ajeu no o pelo axine shipe cheghi aye chixejope pevelo. Kughengu o phimpi kuchopu amiyizü lo ilove kepu ye o philo asaje lakhi pühave keu pavi. Tsala o u ajeu no o pelo axine shipe cheghi aye ghithape pevelo. Kughengu o phimpi kuchopu amiyizü lo ilove kepu ye o philo asaje lakhi pühave keu pavie.