Popular Bible Verses from Luka 14

Share

“Nɔɔno wolo ná tu amo tei, ye o ná wo ve o kwo, de o nu, de o kaane, de o bia, de o zembaara, de o nyaana, de o nakwa, ye o ná wo ve o tete boboŋa de, konto tu bá wane o ji amo kwaga tɔgeno.

Wolo maama ná tɔge amo kwaga ye o ná wo sɛ se o na yaara, ne wolo na zeŋe dagara o maa vei o toone tei to, konto tu bá wane o ji amo kwaga tɔgeno.

Kolo ŋwaane, wolo ná bere o tete kamunim, konto tu wó ba o ji nɔn-balaŋa mo. Wolo nam ná gwooni o tete, Wɛ wó zeiŋi konto tu nɔɔna yiga ne.”

Tɔ. Ko ye bedwe mo de abam wolo maama ná wo kwei o woŋo maama o yage dáa ne, kotu bá wane o ji amo kwaga tɔgeno.

Abam wolo ná boŋe se o lɔ wɛyuu di-dedɔrɔ, nmo laam wó bobo n jeini n jeeli n nii, sabu kom wó wane diga kam ko lɔ ko ti naa ko bá wane. Ko dae konto na? N ná wo ke konto, ye n ná chwi diga kam kuri ye ka lɔɔm daa ware ko guri, balo maama na lɔre to wó taa mɔne‑m, ye ba we, ‘Nɔɔno wonto bobo diga lɔɔm ye o ware o guri-ka.’

Nmo nam ná lage n ke kuri, se n bwoŋi balo na ye yiniga tiina, de gwaaro, de gwane, de lilwoa, se ba ba ba di. Nmo ná ke konto, nmo wó ta‑n jege yu-ywoŋo. Nɔɔna banto dwoŋi bá wane ba jwoori ba ŋwe nmo jene dem. Maŋa kam Wɛ na wó pa nɔn-ŋona bi toone wone to, nmo nam wó jwoŋi n keim dem kwora.”

Yɛ lamma ye de wae de kwɛ wodiu. Yɛ ni nam ná ti, n daa‑n bá‑n wane n pa de jwoori de ja ni. Dento daa ba jege kuri. N bá‑n wane n ke-de n kaduga ne, naa n ma n ke popɔnɔ. Nmo jege se n lwo-de n yage mo. Abam nam fɔge á cheigi amo taane dem.”