Popular Bible Verses from Kikia 2

Share

Piita ma leiri-ba o we, “Abam maama jege se á leiri á wo de á keim-balwaaro tem, se á daare á jwoŋi sɛɛm Yezu Krista yere ŋwaane, se Wɛ wó yage á wɛleera o ma chɛ abam. Wɛ laam wó pa se o Sin-laao kom taa wo abam tei ne.

Ba ma tiini ba seene ba yia ba pa Yezu totoŋa nakwa bam bera yam. Ba maama maa woli daane de ni-sɛɛm dedoa, ye ba kwori ba tɔge daane ba di wodiu ne Yezu ya na fɔge bworobworo o pa o kwaga tɔgena bam pa ba di tei to. Ba ma kwori ba tɔge daane ba ware Wɛ maŋa maama.

Wɛ Sin-laao kom ma ba ba maama tei ne de dam, ye ba bobo se ba taa ŋɔɔne taana dwi dwi, nenɛɛne Sin-laao kom na pɛ-ba dam se ba ŋɔɔne taane delo to.

Sɔɔ ma pɔpɔ ko nwoŋi wɛyuu ne nenɛɛne vo-dɛɔ na fuli tei to. Sɔŋɔ kom ba na jei ko wone to ni maama ma su de sɔɔ kom konto. Ba ma na wonnu ne min-vɔɛ mo tei, ye te pwɛ te jeini ba dedoa dedoa yuu ne. Wɛ Sin-laao kom ma ba ba maama tei ne de dam, ye ba bobo se ba taa ŋɔɔne taana dwi dwi, nenɛɛne Sin-laao kom na pɛ-ba dam se ba ŋɔɔne taane delo to.

Dɛ maama ba maa yeini ba tigisi daane Wɛ diga kam wone. Ba ta ma kwori ba tɔge daane ba di wodiu ba sam ne ko maŋe de Yezu ya na bere o kwaga tɔgena bam tei to. Ba maa maŋe ba wodiiru ba pa daane, ye ba jege wopwolo lanyerane dedaane boboŋe dedwe. Ba maa tei Wɛ maŋa maama. Nɔɔna maama maa pae ba ye nɔn-ŋona. Dɛ maama wuu dé Teiru wom maa pae se balo na tu ba na verem to woli ba kɔgɔ kom wone.

O déem tɔɔle Wɛ kwora o we: ‘Logo baŋa kweelim da yam ná yia, amo Wɛ wó lwo a Jworo mo nabiina maama baŋa ne. Konto nam wó pa se á bia de á bukwa taa pworisi amo kwora kam, se abam nɔn-donno na wo-kenkagela yalo a na wó veere a bere-ba to, ko daare se á nɔn-kwe de dwɛ dendwa amo ŋwaane.

Yezu tɔgena bam maama maa yeini ba la daane ye ba kwori ba jege ba wonnu ba maŋe ba pa daane. Ba maa yeini ba kwei ba jejegero de ba zela ba yeiga, ye ba maŋe te sabu kom ba ma woli nɔɔno maama ne ba dedoa dedoa na lage tei to.

Dɛ dem konto ne, wolo maama na wó bwoŋi dé Teiru Wɛ wom yere o ma lwoori zeinim to wó na verem.’

Wea kam wó ba ka vaŋe ka ji lim, ye chana kam de ji nasoŋo ne jana tei. Ko laam daare se Baŋa Wɛ dɛ-kamunu kom ba ko yi, se o nenɔŋa kam de bere jaja.