Popular Bible Verses from Kikia 16

Share

Ba ma leiri‑o ba we, “Nmo jege se n ke n wo-dedoa dedaane dé Teiru Yezu mo, se Wɛ wó jwoŋi nmo de n sɔŋɔ tiina bam de.”

Tega na kweere maŋa kalo to, Pɔɔl de Silas maa wora ba ware Wɛ ye ba leeni Yezu kɔgɔ kom lei ba zuli Wɛ. Peena badwonna bam maa jei ba cheiga. Tega kam laam ma pɔpɔ ka ziziŋi, ye peena diga kam sua se ko yi ka kuri maama. Diga kam bworru tem maama ma pɔpɔ te pore, ye chaponno tem kɔ peena bam maama yera ne.

O ma pa se ba nwoŋi pwooni, ye o daare o bwei-ba o we, “A nɔɔna bam, amo nam wó ke tɛ mo se Wɛ jwoŋi-ne o yage?”

Nɔɔno wolo na yere diga kam to ma zaŋe ye o na peena diga kam na pore to. O ma boŋe we peena bam maama nwoŋi ba duri mo. Konto ŋwaane o ma le se-zɔɔ se o ma go o tete. Pɔɔl laam ma bage de o kwora maama o we, “Yé zaŋe n chɔge n tete, se debam maama wo ywoba.”