Popular Bible Verses from Si do Aposela ki kera ilidaki 1

Share

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Ma nia soree isada, Thaitoomana lana maalutana si maṉa ba ki mado si kada na do eki kai fula mai, si do fani kamulua e ai, si do ṉa Maka e alua fasi kai gwauwai ani nia.

Ma si maṉa ne to ofu bida, e lufida kesi lae faisia Jerusalema, keka maakwalia alaṉaia ṉa Maka, Nia (bae lana neri) na nau ku faaroṉo kamulua ania: Uria na tha Jone e babataesi boo ana kafo; ma ni kamulua ṉadee fa boṉi e sui keki bii babataesi kamulua atha Spirit Abu.

Toa ne fatai nia lau boo isada ne maruki buriana ne toto ana seefia na ba, asi do oro ne fatai nia mamana lana, uria ne fafatai nia isada sulia fai tafulu fa boṉi, ma ka ṉata sulia si do sulia tooa tha God ki

Ma buriana ne sorea si do eki e sui, si maṉa na toa eki keki bubu, kera tae fafi nia; ma si datha ka datha faisia, e ai kesi riki nia lau.

Ma si maṉa na kera bubu tete uria thalo lo si maṉa nia kai lae, rikia fasi, ro nonii wane kero takwe isada fafia tooni kwakwaoa ki; Na keko ṉata lau bomai una eri, Kamulua wane i Galili ki, uria ta na muki takwe, muki lio uria thalo lo? Jesus nai boo, na kera tae fafi nia faisi kamulua uri thalo lo, kai lae mai talafana na mulu riki nia ne lae uri thalo.