Popular Bible Verses from John 15

Share

“Si-kak i sengeg na gwahal a grape tan si-kayoy panga-panga tho. Sema toon mayka-chom cha si-kak et say mayka-chomak ngod si-katho, si-katho di ma chakel a dawes to. Tep sema toon iyaysi-jan cha si-kak, nagwariy mebedin a a-magen to.

Itolo-toloy jon mayka-chom cha si-kak na olay, tan itolo-toloy ko ngon mayka-chom cha si-kayo na olay. Sema panga na grape, nat mahadawes no ma-kal cha sengeg to. Inges to ngod si-kayon nat mahadawes no nat mayka-chom kayod si-kak.

Nem no itolo-toloy jon mayka-chom cha si-kak tan naniyemnemnem joy nakigwan ko et a-magen jo, angken nengoy ibaga yod Awak, i-kan tod si-kayo.

Nat si-kayoy emispis cha si-kak, no diket si-kak i emispis cha si-kayo, tan chiyotohan tahejo say ondawes kayo et on-ono-onong i dawes jo na ingked ingka. Et angken nengoy ibaga yod Awak kagol na ingkayka-chom jod si-kak, i-kan tod si-kayo.

Sema kabanayan a semek a ibiybiy na too, sema pengi-kan to na biyag to para cha kajem to.

Emiin a pangak a nat nadimawes, naingkal na naengajo, tan emiin a pangak a nadimawes, naingkalan to say onchakel pay i dawes to.

“Sejay i bilin kod si-kayo a pansisinemek kayon inges toy penmek kod si-kayo.

No chakel i dawes jo, maychejaw si Awak, tan sema pandawes jo na chakel, si-kathoy mengibiybiy i disipolos tahejo.

Et in-arig Jesus a kigwan to i “Si-kak i podnon sengeg na gwahal a grape, tan si Awak i naengajo.

No nat itolo-toloy na toon mayka-chom cha si-kak, maykepil a inges toy pangen iya-kal et emaha. Et maysa-nop ira ma panga-panga, et maykepil chiwa afoy say mepoolan.

Kigwan ko led si-kayo ira jay say sema chadsak a kenasen jo, inges to diy chadsak ko tan say nagwara diy kolang na chadsak jo.

No patien joy bili-bilin ko, gwara na olay i semek kod si-kayo. Inges to ngod si-kak a napiyatik i bili-bilin Awak, et gwara na olay i semek tod si-kak.

Sejay i ibilin kod si-kayo a pansisinemek kayo.”

No ingesen jo ira ma tood ja dobong a nat naematid si-kak, sesmeken cha kayo komen singen ahi yo ira. Nem pinispis tahejo say maydasin kayo ired ma tood ja dobong. Isonga, en-owes cha kayo.