Popular Bible Verses from ᤔᤷᤁᤢᤛ 14

Share

ᤐᤠᤏᤢᤍᤡᤱ ᤀᤠᤶᤒᤦ. ᤂᤧᤏᤧ᤹ ᤁᤧᤗᤠᤃᤡᤃ ᤁᤠᤰ ᤐᤥᤱᤔᤠ ᤛᤢᤰ॥ ᤁᤴ ᤀᤡᤏᤥᤃᤧᤴ ᤋᤢᤰᤂᤣᤖᤧᤴ ᤂᤥᤷᤕᤠᤴ ᤀᤡᤱᤃᤠ᤹ᤀᤥᤗᤠᤶ ᤂᤧᤳᤋᤧᤍᤣᤛᤧ᤹ᤀᤥ. ᤁᤖ ᤜᤧᤰᤁᤣᤛᤠᤱ ᤀᤠᤏᤡᤱᤘᤠ᤹ ᤜᤧᤰᤁᤣᤃ ᤔᤣ᤺ᤴ. ᤁᤖ ᤁᤧᤏᤡᤱᤘᤠ᤹ ᤜᤧᤰᤁᤣᤀᤣ ᤐᤥᤱᤗᤖᤥ॥”

ᤜᤱᤛᤠ᤹ᤔᤠᤀᤥ ᤔᤧᤎᤩᤧ᤹ᤀᤡᤃᤧᤴᤗ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤠᤱᤈᤠᤱᤅᤠᤱ ᤋᤢᤘᤠ ᤆᤥᤃᤧᤶᤔᤧ᤹ᤀᤥ॥ ᤂᤡᤏᤡ᤹ ᤏᤡᤱᤘᤠ᤹ᤀᤡᤸᤗᤧ ᤏᤢ᤺ᤖᤡᤰᤁᤠᤱ ᤆᤥ᤺ᤰᤔᤠ ᤁᤧᤃᤥ᤺ᤳᤋᤢᤶ. ᤁᤖ ᤂᤡᤏᤡ᤹ ᤏᤠᤛᤡᤱᤃᤧᤴ ᤌᤰᤁᤡᤱᤃ ᤔᤧᤎᤢᤶᤔᤡᤴᤒᤠᤸᤗᤧ ᤆᤥᤃᤢᤸᤗᤧ ᤁᤧᤴᤇᤢᤰᤋᤢᤶᤔᤡᤸᤗᤥ॥”

ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤳᤋᤡᤛᤠᤱ ᤛᤢᤏᤠᤀᤡᤱ ᤀᤡᤱᤓᤥ᤺ᤸᤗᤧ. ᤂᤧᤵᤔᤥ ᤁᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤆᤥᤃᤢᤒᤠ ᤁᤢᤕᤠ᤺ᤶᤒᤰᤁᤡᤴ ᤔᤏᤠᤜᤠ᤹ᤖᤧ ᤔᤧᤈᤧᤰᤂᤢᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢ᤹ᤖᤥ॥”

ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ᤃ ᤔᤡᤱᤘᤠᤖᤧ ᤕᤥ᤺ᤴᤍᤠᤱᤅᤠᤱ ᤛᤡᤔᤠᤗᤡᤱᤎᤥ ᤌᤠᤖᤡᤰ ᤁᤧᤖᤠᤱᤅᤠᤱ ᤘᤠ᤹ᤀᤠᤖᤥ॥ ᤂᤡᤏᤡ᤹ ᤁᤵᤔᤥ ᤆᤠᤱᤈᤠᤱᤅᤠᤱ ᤕᤢᤅᤧᤶᤔᤧ᤹ᤀᤥ॥”

ᤂᤧᤱᤜᤠ᤹ᤖᤧ ᤔᤧᤈᤖ ᤔᤧᤕᤢᤅᤧᤸᤗᤧ ᤕᤧᤛᤢᤖᤧ ᤂᤖᤧ᤺ᤱᤅᤡᤴ ᤂᤵᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ. ᤜᤧᤰᤁᤩᤠᤱ ᤂᤧ᤺ᤰᤂᤢᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤐᤡᤖᤢᤛᤡᤖ ᤀᤰᤂᤣ ᤔᤧᤳᤋᤢᤛᤡ. “ᤁᤴ ᤋᤠ᤺ᤰᤋᤧᤶᤔᤧ᤹ᤀᤥ. ᤁᤴ ᤀᤡᤱᤃᤠ᤹ ᤏᤠᤛᤡᤱᤃᤧᤴ ᤀᤠᤎᤰᤗᤥ॥”

ᤜᤧᤰᤁᤩᤠᤱ ᤆᤸᤗᤱᤏᤠ ᤂᤥᤷᤕᤠᤴ ᤐᤰᤂᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢ. ᤜᤧᤰᤁᤩᤠᤱ ᤂᤧᤱᤜᤠ᤹ ᤐᤡᤖᤢᤛᤡᤀᤠᤱ ᤁᤧᤖᤧᤰᤗᤧ ᤔᤧᤎᤢᤅᤢᤖᤥ॥ ᤕᤧᤛᤢᤖᤧ ᤂᤧᤱᤜᤠ᤹ ᤕᤠᤶᤔᤥ ᤔᤧᤳᤋᤢᤛᤡ. “ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤆᤥ᤺ᤰᤔᤏᤠᤒᤠ ᤁᤢᤛᤱ ᤔᤠᤱᤜᤢᤵᤗᤧᤴ ᤀᤠᤔᤠᤰᤂᤡ᤹ᤖᤥ॥ ᤁᤴ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤕᤥᤴ ᤘᤠᤜᤵᤔᤠ ᤑᤠ᤹ᤀᤠᤱ ᤘᤠᤍᤣ᤺ᤴᤗᤥ॥

ᤂᤧᤵᤔᤥ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤧᤖᤧᤰᤗᤧ ᤀᤡᤱᤃᤠ᤹ ᤕᤠᤵᤔᤡ ᤁᤧᤗᤧᤖᤡ᤹ᤀᤠᤱ ᤁᤧᤒᤣᤃᤡ᤹. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. “‘ᤀᤡᤱᤃᤠ᤹ ᤔᤧᤸᤗᤢᤰᤁᤶᤒᤠᤴ ᤜᤡᤵᤋᤢᤱ. ᤜᤧᤰᤁᤩᤠᤱ ᤁᤧᤖᤧᤰ ᤔᤧᤸᤗᤢᤰᤜᤠ᤹ ᤁᤧᤖᤧᤰ ᤐᤡᤛᤠᤱ ᤔᤧᤛᤧᤖᤥ॥’

ᤐᤥᤃᤧᤶᤔᤧ᤹. ᤁᤵᤔᤥᤗᤠᤶ ᤐᤡᤃᤡ᥄ ᤀᤥᤔᤧᤳᤋᤧᤶᤔᤧ᤹. ᤀᤡᤱᤃᤠ᤹ ᤕᤠᤵᤔᤡ ᤀᤡᤱᤃᤧᤗᤧᤰᤐᤧᤴ ᤂᤠ ᤑᤧᤴᤗ ᤐᤳᤗᤥ᥄”

ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤧ᤹. ᤀᤠᤰᤂᤥ ᤛᤧᤴᤍᤡᤰ ᤏᤡᤗᤧᤱ ᤀᤡᤱᤘᤠ ᤁᤠᤔᤠᤏᤢ᤺ᤸᤗᤧ ᤋᤃᤡᤀᤣ. ᤂᤢᤏᤧ᤹ ᤁᤢᤛᤡᤱ ᤔᤧᤏᤡ᤺ᤳᤋᤢᤱᤅᤡᤴ ᤁᤧᤒᤠ᤺ᤳᤋᤢᤖ ᤂᤧᤏᤧ᤹ ᤛᤢᤶᤗᤧᤱ ᤁᤧᤏᤠ᤹ᤀᤠᤖᤥ॥”