Popular Bible Verses from ᤕᤠᤁᤢᤒ 4

Share

ᤂᤧᤸᤗᤧᤆᤥᤃᤢᤸᤗᤧ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤥ ᤀᤠᤒᤠᤅᤣ ᤐᤡᤀᤠᤛᤡᤶᤔᤧ᤹ᤀᤥ॥ ᤔᤠᤑᤧᤴᤛᤠᤶᤔᤡᤴ ᤀᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤧᤴ ᤂᤡᤏᤡ᤹ᤗᤠᤶ ᤔᤠ᤺ᤱᤄᤠ ᤂᤧᤳᤇᤡᤱᤗᤥ॥

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤣᤛᤠᤱ ᤋᤩᤧᤶᤔᤧ᤹. ᤜᤧᤰᤁᤩᤠᤱ ᤂᤢᤏᤧ᤹ᤀᤠᤱ ᤂᤡᤏᤡ᤹ ᤐᤣᤛᤠᤱ ᤋᤠ᤺ᤖᤥ॥ ᤂᤡᤏᤡ᤹ ᤗᤠᤕᤥᤒᤠᤛᤣ. ᤗᤠᤕᤥ ᤆᤥ᤺ᤰᤔᤠ ᤗᤧᤖᤧᤶᤔᤧ᤹ᤀᤥ. ᤜᤧᤰᤁᤩᤠᤱ ᤜᤡᤸᤗᤡᤰᤗᤡᤰᤐᤠ ᤏᤡᤱᤘᤠ᤹ ᤁᤧᤃᤵᤐᤠᤛᤣ. ᤂᤡᤏᤡ᤹ ᤛᤡᤰᤗᤢᤱᤔᤠᤴ ᤛᤣᤛᤣ ᤆᤥᤃᤧᤶᤔᤧ᤹ᤀᤥ

ᤍᤠᤱᤒᤠᤸᤗᤧ ᤁᤢᤍᤃᤡ ᤏ᤺ᤶᤏ᤺ᤶᤒᤠ ᤐᤥ᤺ᤰᤂᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤔᤡᤱᤛᤥ ᤀᤡᤱᤎᤠᤱ ᤁᤧᤓᤥᤛᤡ ᤁᤧᤒᤡᤖᤡ᤹ᤖᤥ॥

ᤁᤖ ᤂᤧᤴᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤢᤱᤔᤠ᤹ ᤀᤠᤍᤢᤰᤗᤥ॥ ᤂᤧᤸᤗᤧᤆᤥᤃᤢᤸᤗᤧ ᤕᤠᤶᤔᤥ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤐᤠ᤺ᤳᤋᤢ᤹. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤍᤡᤱ ᤁᤧᤗ᤹ᤒᤠᤜᤠ᤹ ᤀᤳᤋᤢᤛᤡ᤹. ᤁᤖ ᤏ᤺ᤶᤏ᤺ᤶᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤢᤛᤡ᤹ᤖᤥ॥”

ᤂᤧᤸᤗᤧᤆᤥᤃᤢᤸᤗᤧ ᤀᤠᤳᤋᤡᤸᤗᤧ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤛ᤻ᤛᤢᤀᤠᤱᤛᤠᤱ ᤔᤧᤈᤥᤃᤢᤴᤏᤧ ᤑᤠ᤹ᤃᤪ ᤂᤧᤸᤗᤧ ᤗᤠᤕᤥ ᤆᤥᤃᤢ᤹ᤖᤥ॥

ᤂᤡᤏᤡ᤹ ᤁᤧᤏᤠ᤺ᤰᤋᤢᤶ ᤁᤖ ᤁᤧᤱᤄᤥᤛᤢᤶᤔᤡᤴ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ ᤐᤠ᤺ᤵᤐᤠ᤺ᤳ ᤆᤥ᤺ᤰᤔᤠ ᤑᤠ᤹ᤀᤠᤱ ᤑᤧᤴᤏᤡᤱᤘᤠ᤹ᤀᤡᤸᤗᤧ ᤁᤧᤏᤠ᤺ᤰᤋᤢᤶᤗᤥ॥

ᤏᤛᤠᤴ ᤔᤧᤴᤈᤥ᤺ᤰᤔᤏᤠᤒᤠᤛᤣ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ ᤔᤡ᤺ᤶᤈᤡ ᤁᤧᤔᤧᤵᤐᤧᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡ ᤐᤥᤱ ᤑᤠ᤹ᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤡ᥅ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤐᤠ᤺ᤴᤜᤠ᤹ ᤔᤡ᤺ᤶᤈᤡ ᤁᤧᤔᤧᤵᤐᤧᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤔᤡ ᤐᤥᤱᤗᤥ॥

ᤌᤣᤀᤠᤱᤓᤧᤸᤗᤧ ᤋᤠ᤺ᤴᤍᤡᤰ ᤌᤣ ᤐᤥᤱ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤧᤴᤏᤡᤛᤢᤶᤔᤡᤴᤗᤥ॥ ᤂᤡᤏᤡ᤹ ᤜᤡᤱᤔᤴᤏᤡᤱᤃ ᤛᤵᤑᤠᤎᤡᤰ ᤁᤧᤎᤠ᤺ᤵᤐᤠᤀᤠᤱ ᤁᤧᤔᤠᤒᤠ ᤁᤧᤒᤣ᤺ᤰᤐᤠ ᤋᤢᤱᤜᤡ᤺ᤰ ᤁᤢᤀᤡᤛᤡᤰ ᤆᤥᤰᤗᤥ॥