Popular Bible Verses from ᤕᤠᤁᤢᤒ 3

Share

ᤁᤖ ᤌᤠ᤺ᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤴ ᤁᤠᤰᤏᤢ᤺ᤸᤗᤧ ᤋᤃᤡᤃ ᤛᤣᤛᤣᤒᤠ ᤆᤥᤰ. ᤜᤧᤰᤁᤩᤠᤱ ᤛᤏᤠᤖᤢᤱᤒᤠ. ᤗᤢᤶᤗᤢᤶᤒᤠ. ᤘᤣ᤹ᤜᤠ᤹ᤏᤢ ᤁᤧᤍᤱᤒᤠ. ᤗᤢᤱᤍᤢᤰ ᤁᤢᤎᤡᤶ. ᤏᤢᤒᤠ ᤕᤠ᤺ᤶᤒᤰᤜᤠ᤹ᤖᤧ ᤁᤢᤎᤡᤶ. ᤔᤏᤠ ᤔᤧᤴᤇᤧᤶᤔᤏᤠᤒᤠ ᤏᤢ ᤏᤛᤠ᤺ᤴᤛᤠᤒᤠ ᤆᤥᤰᤗᤥ॥

ᤂᤡᤏᤡ᤹ ᤗᤢᤶᤔᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤛᤡᤰᤁᤢᤶᤛᤠᤒᤠ ᤏᤢ ᤀᤡ᤺ᤳᤇᤡᤱᤛᤠᤶᤛᤠᤒᤠᤸᤗᤧ ᤏᤢᤒᤠ ᤁᤢᤜᤡᤱᤔᤴᤏᤥᤗᤠᤶ ᤜᤧᤰᤁᤩᤠᤱ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤗᤠᤶ ᤁᤧᤍᤠᤒᤠ ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤔᤥ ᤆᤥᤃᤢᤒᤠ ᤕᤠ᤺ᤶᤒᤰᤁᤥᤗᤠᤶ ᤀᤥᤛᤣ᤺ᤴᤎᤠᤰᤛᤡᤱᤗᤖᤥ॥

ᤛᤏᤠᤖᤢᤱ ᤁᤧᤍᤠ᤺ᤵᤐᤠᤜᤠ᤹ᤖᤧ ᤕᤠ᤹ᤖᤡ᤺ᤶᤒᤠᤴ ᤋᤣ᤺ᤶᤏᤠᤒᤠ ᤁᤢᤀᤡᤛᤡᤰ ᤛᤏᤠᤖᤢᤱᤅᤡᤴ ᤔᤧᤍᤣᤛᤢ᤹. ᤜᤧᤰᤁᤩᤠᤱ ᤕᤖᤡᤰ ᤁᤢᤈᤠ ᤔᤧᤛᤢᤵᤛᤢᤒᤠ ᤁᤢᤀᤡᤛᤡᤰ ᤂᤧᤱᤜᤠ᤹ᤖᤧ ᤕᤖᤡᤰ ᤛᤠᤶᤕᤥᤒᤠ ᤔᤏᤠᤜᤠ᤹ ᤔᤧᤛᤢᤵᤛᤢᤛᤡ᤹ᤖᤥ॥

ᤌᤣᤀᤠᤱᤓᤧᤸᤗᤧ ᤀᤠᤳᤋᤥ ᤏᤠᤜᤧᤶᤔᤠ ᤏᤢ ᤀᤠᤒᤠᤅᤣᤖᤰ ᤏᤢ᤹ᤔᤠ ᤋᤠᤔᤠ ᤏᤡᤱᤘᤠ᤹ ᤁᤧᤃᤵᤐᤠ ᤔᤏᤠ ᤔᤧᤘᤠ᤹. ᤂᤧᤵᤔᤥ ᤕᤧᤔᤧᤴᤍᤱ ᤐᤠᤴ ᤏᤢ ᤁᤠᤰ ᤐᤖᤡᤰᤗᤧᤴ ᤑᤧᤴᤐᤠᤴ ᤐᤥᤱᤗᤥ॥

ᤒᤠ ᤁᤴ ᤗᤧᤛᤥ᤺ᤵᤐᤠᤸᤗᤧᤀᤣ ᤀᤠᤏᤡ᤹ ᤍᤠᤱᤒᤠ ᤏᤢ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤀᤠᤓᤥᤛᤢᤶ. ᤜᤧᤰᤁᤩᤠᤱ ᤒᤠ ᤁᤴᤗᤠᤶᤒᤠᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤒᤡ ᤁᤢᤀᤡᤳᤇᤠᤵᤐᤥ ᤆᤥᤃᤢᤛᤡᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤠᤰᤔᤢᤖᤠ ᤀᤠᤔᤧᤳᤋᤢᤶᤛᤡᤶᤗᤥ॥ ᤜᤧᤰᤁᤣᤗ᤹ᤖᤡᤰ ᤗᤳᤇᤠ ᤔᤢᤖᤠᤀᤥᤗᤠᤶ ᤔᤢ᤹ᤀᤡᤛᤠᤶ ᤏᤢ ᤛᤠᤰᤔᤢᤖᤠᤴ ᤗ᤺ᤴᤗᤥ॥ ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤀᤰᤂᤣ ᤐᤥᤱᤔᤠᤃ ᤔᤧᤏᤢ᤹ᤏᤧᤴᤗᤥ॥

ᤜᤧᤰᤁᤣᤗ᤹ᤖᤡᤰᤁᤣ ᤗᤧᤛᤥ᤺ᤵᤐᤠᤱᤃ ᤔᤡ ᤜᤧᤰᤋᤱᤒᤠᤖᤥ॥ ᤁᤱᤃ ᤏᤠᤛᤡᤱᤃᤧᤴ ᤌᤰᤁᤥ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ᤖᤧ ᤁᤢᤒᤢᤱᤗᤥ॥ ᤂᤧᤴ ᤗᤧᤛᤥ᤺ᤵᤐᤠᤸᤗᤧ ᤔᤏᤠ᤺ᤸᤗᤧ ᤁᤠᤰ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤆᤡ᤺ᤴᤍᤢ᤹ᤀᤠᤱ ᤁᤢᤜᤡᤱᤔᤴᤏᤡᤴ ᤁᤧᤖᤧᤰ ᤔᤡᤎᤡᤰᤂᤢ᤹ᤖᤥ॥ ᤂᤧᤴ ᤔᤡᤱᤃ ᤂᤧᤔᤠᤕᤱᤛᤱᤗᤠᤶᤔᤣ ᤗ᤺ᤴᤗᤥ॥

ᤁᤖ ᤗᤧᤛᤥ᤺ᤵᤐᤠᤱᤃ ᤀᤠᤳᤋᤡᤴ ᤔᤏᤠ᤺ᤸᤗᤧᤀᤠᤱ ᤂᤢᤶᤔᤠ ᤔᤧᤛᤢᤰᤋᤢᤴᤗᤥ॥ ᤁᤱᤃ ᤕᤢᤰᤁᤥ ᤁᤵᤔᤠ ᤛᤢᤰᤔᤧᤴᤍᤧᤵᤔᤏᤠ ᤋᤠᤵᤑᤧ᤺ᤶᤒᤠ ᤆᤥᤰ. ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ ᤁᤧᤛᤧᤵᤐᤠ ᤏᤡᤱᤅᤡᤸᤗᤧ ᤁᤢᤎᤡᤶᤒᤠ ᤆᤥᤰᤗᤥ॥

ᤀᤠᤔᤡ᤺ᤶ ᤑᤢ᤹ᤏᤢᤛᤠ᤹ ᤏᤢ ᤏᤧ᤹ᤏᤢᤛᤠ᤹ᤛᤣ. ᤂᤡᤏᤡ᤹ ᤗᤢᤶᤔᤥ ᤕᤖᤡᤰ ᤛᤡᤰᤛᤠᤶᤒᤠ ᤐᤥᤱᤔᤠ ᤔᤧᤃᤥ᤺ᤳᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤏᤡ᤹ ᤛᤡᤰᤛᤠᤶᤒᤠᤜᤠ᤹ ᤘᤣ᤹ᤜᤠ᤹ᤏᤢ᤺ᤸᤗᤧ ᤁᤧᤛᤠᤰᤐᤠ ᤂᤠᤛᤧᤴᤏᤥ ᤀᤠᤎᤠ᤹᤺ ᤁᤧᤗ᤹ᤒᤠᤴ ᤁᤧᤏᤡᤛᤢᤶᤗᤥ॥