Popular Bible Verses from Mak 16

Share

Yeso lakus ni, “Ɓu ta naya shak, hu mba Muro Maɗesi amen wa kyel i ramam shak.

Ɗamam i shok na fo mii sin koltifai ti som ima si fa mwawei. Ti asum amen si wa nggati rin mafwashi ya, si wa findel ti alisas akat-akat. Si wa zan ti ɗamafwashi ti ra, na si wo manda i mot ma wa masus ɗama kwa, si wa kinti som ima si ti mwatanan ra hai, si wis cala.”

Shak maɗufal ima fa mwawei si masus batisma, a yis ma wa mupwet. Maɗufal ima nggwes i fati mwawei a yis si wa totsus ɓur.

Unai som koltifai amesi si wa sin mba ti Muro Maɗesi ames ta kikyal shak. Deembai yis wis sus ti, yis kinti ɗamam i shok na fwai sin koltifai ti findel ames.

Yis nyus, “Ka hu mwen kwa! Hu ma far ti a Yeso i Nazaret ima si nggwakus ta si shanggam hai. Mana kwa. Tuu luk fit ta mot wi! Ɗing hun kyel ima si kin funat ames na.

Si ha' hai fit, si ɗingi maɗeng tuu tuk mbai mafungi ya ta ɓwai. Sin mulang ta fiyaiyi ndai, si ɗing zalang nin ti arom mapeli, yis amun ta ɓwai ra i ucwa, unai myanat ka'us.