Popular Bible Verses from Marcos 13

Share

Gdu'te yëdz'lyu lalei'de lbi'ili nia'a kia'; san bënni sue' tzutzu kati gdxin lu'uudx ki, bënni'a yule'.

»Lena'a gulsua si'na len gulgui'laadxi, koma ti nëëzi'li batxh gdxin dza'a.

Len ti suáli bagi'i bixh rala gnaali kati ludëëde lbi'ili lau'ke bënni tunabe'ke. Kati gdxin dza'a gnaali le Dios gzeajni'i'de lbi'ili gnaali. Koma keg lbi'ili'a gneeli, Bë' La'ay kie' Dios gui'e diidza.

Xhba len yëdz'lyu uladëëdi, san xhtiidza'a ti tëëdi.

»San nutunu nëëzi bixh dza len batxh'tek gak le ni, keg gbaaz la'ay len keg Xi'ine. Tuuze Xuuz'ru nëëz'de.

»Len kati gyëëni'li rak gdil ni u ni' ti gungaadxi kuin'li, le ni de ki lakgak; san ti rdxiini dza tzu'u lu'uudx ki yëdz'lyu.

Gulgui'laadxi, koma ti nëëzi'li batxh wëëde bënni xaani yu'u, xhki wëëde na' za' ral, laadxi'yeel, ziil'bal u ziil bayën; Ka gna ka zue' ka wëëde len udzëël'de lbi'ili ras'li. Le rea' lbi'ili lekz'ka' re'ka'ne yugute'ke; ¡Gulsua si'na!»

Koma tu yëdz xhën len ye tu yëdz xhën uladil, len tu yëdz gun gdil len ye tu yëdz. Gaaz ladëëd ka utit xhën, len uyu'u yëla rdun. Le ni nak le jkie'la'z lau'i yëla rsaka'zi' xhën'te.

Koma zia'al dza tzu'u lu'uudx ki yëdz'lyu, yugute' yëdz xhën rala lanëëzi diidza kub dxia'a.

Koma uladxiine bënni zian luune lsaki'i neda len lanáke: “Neda naka Le' Cristo” len bunach zian lazi'ye'i'de.

»Gulun'chi'i kuin'li; koma uludëëde lbi'ili lau'ke bënni tunabe'ke len ulagiine lbi'ili lu yu'u useed. Len nia'a kia' uludayë'li'de lbi'ili tziaj'li lau'ke bënni rnabe'e yëdz xhën len lau'ke bënni rnabe'; naar gunn tzajxaka'lau'li kia' lau'ke.

Koma udujak'ke bënni zian bënni tuune lsaki'i nak'ke Le' Cristo len bënni tuune lsaki'i nak'ke bënni tui'ke diidza ulaaz kie' Dios; len uluune le tunn'be' len yëla wak xhën, naar lazi'ye'ke, len lekz'ka' lazi'ye'ik'de bënni'a Dios chi grëe'

»Dza'a kati chi gdëëd yëla rsaka'zi'a, uchul lau'i gbiidz, beu' tir gzeni, bëëlj dxiaaba lu xhba ulëxhj'ba len lekz'ka' yugute' le tunabe' yewayuba ulaxhiiz.