Popular Bible Verses from Génesis 50

Share

Te bit'il ma lecuc te bila la apasbonique; ja'uc me to, lec c'ot yu'un stuquel te Diose, swenta yu'un jich me wejt' bit'il ya xcuxin tsobol ants-winiquetic a.

Ja'uc me to, la yal te José: —Ma me xiwex, ma Diosucon.

Jich yu'un ma me xiwex. Ya me jmac'linex ta apisilic soc awal-anich'nabic —xi' sc'oplalic. Jich la smuc'tesbey q'uinal yaiyic te bit'il bayal yutsil sc'op la yalbey yaiyique.

“Ya me apasbey perdón yu'un smulic te abanquiltaque, te bit'il la yuts'inate”, melel xi' jilel sc'op te jtatique. Jich yu'un pasbotic me perdón yu'un te la cuts'inticate, te yabatotic te Dios yu'un te jtatique —xiic ta yalel wocol ta stojol José. C'alal te José la yaiybey sc'op te abatetic la yich'ic bael ticunele, bayal oc' yu'un.

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Te José jich la yalbey te yermanotaque: —Te Dios puersa ya yac'beyex awilic yu'el ta patil. Jich yu'un puersa me ya awalbonic caiy ta stojol Dios te bit'il ya awich'bonic loq'uel bael te jbaquele —la yut.

Lajuneb swacwinic (110) ya'wilal a te laj te José. La yich' poxtayel te sbaq'uetal swenta yu'un ma xc'a', soc la yich' aq'uel ochel ta cajón ta Egipto.