Popular Bible Verses from Génesis 49

Share

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

“Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'. Ay swocol ta il-o'tantayel spisil ora, ya xc'ax yo'tan yu'un t'imuywanejetic.

Ja'uc me to, ma ba ya xlaj yip te sc'ab, soc ma ba ya xlaj yip te st'ime, wocol la yal Dios te Spisil ya xju' yu'une, ja' te Dios cu'une, wocol la yal Dios te jcanantaywanej cu'un, te ya scanantayon jo'on te Israelon soc te jts'umbale. Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

“Ja'at Judá, lec me ya xc'ot ac'oplal yu'un te abanquiltac te awijts'nabe. Ya me apich'bey ta snuc' te acontrotaque, ya me stinan sbaic ta atojol te jayeb jnich'nab jo'on te atatone. Judá, te jnich'anate, jichat te bit'il alal león-choje. Ya xju' awu'un slumtayel, teme laj awo'tan ta sti'ele, jun awo'tan ya apajc'an aba, jichuc mamal león-choj, ma'yucat ta tijel.

“Te ja'at Rubén, te sba jnich'anate, sbabial jsit c'oemat yu'un te quipe, primero ac'oplal, ich'bilat ta muc' soc bayal awip te jichuque. Ja'uc me to, ma ja'uc primero ya xc'oatix, melel jichat te bit'il tulan snojel ja' te ma xju' ta comele: melel la aboltesbon te jwayib te bit'il wayat soc te jcriadae.