Popular Bible Verses from Deuteronomio 6

Share

“Te Cajwaltic te Dios cu'untique, c'ux me x'awaiy ta awo'tan, ta spisil awo'tan, ta spisil acuxlejal, soc ta spisil awip.

Spisil me ora xawac'bey snop te awal-anich'nabe. Ac'beya snopic ta ana soc ta be, te c'alal ya xwayat soc te c'alal ya xjajch'at ta wayele.

“Ac'a me ta ajol, ac'a ta awo'tan spisil te bitic la calbat awaiy ta ora in to.

“Aiya awaiyic, israeletic: Te Cajwaltic te Dios cu'untique ja' nax Ajwalil stuquel.

Ich'a me spisil ora te mandaliletique, chuca me ta ac'ab soc chuca me ta ati'ba swenta seña

soc ts'ibuya ta yoyal ana, soc ta sti' ana.

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

“Te Cajwaltic te Dios cu'untic ya me yaq'uex ochel ta lumq'uinal te jc'axel yalojbey te antiguo jts'umbaltic Abraham, Isaac soc Jacob. Te lumq'uinal ay buen t'ujbilic niwac lumetic yu'un te ma ja'uquex la apasique. Ay nanatic te nojelic ta bitic buen lec te ma ja'uquex la anojesique. Ay pozoetic te ma ja'uquex la ajoq'uique, ts'usubiletic soc olivoetic te ma ja'uquex la ats'unique, pero ja'ex me ya awe'elinic, lec me ya xnoj ach'ujt'ic yu'un. Te c'alal jich ya xc'ot ta pasele, ma me xch'ay ta awo'tanic te Cajwaltic te la sloq'uesex tel ta Egipto, te banti ayex ta mozoil.

“Ja' spisil ta jchajp te mandaliletic soc te bitic chapal yu'un Cajwaltic te Dios cu'untic te ya sc'an ya cac'beyex anopique, swenta yu'un ya me apasic bael spisil ora ta lumq'uinal te ya yac'beyex awu'uninique. Jich me ich'bil ta muc' awu'unic a te Cajwaltic te Dios cu'untique, soc jich me ya xc'ot ta pasel awu'unic a te jayeb c'aal cuxulex, spisil ta jchajp te mandaliletic yu'un te la yalbeyex apasic, ja'ex soc te awal-anich'nab soc te amamataquique. Teme jich ya apasique, ya me xcuxinex bayal ja'wil.

Ja' me xapasic te bila yich'oj swentail soc te bila lec ta ilel ya yil te Cajwaltique, swenta yu'un jich me lec ya xc'oex a, soc jich me ya xc'ot ta awentaic te buen lequil q'uinale, te jc'axel yaloj te Cajwaltic te ya yac'bey te antiguo jme'-jtatique

melel te Cajwaltic te Dios cu'untic te ay ta atojolic, mero stuquel nax ya sc'an ch'uunel. Teme ya x'ilin ta atojolic, jich me ya slajinex ta jc'axel.

Ma me xat'unic yantic diosetic te xch'uunejic te yantic lumetic te nopol ayex soque

“Ma me x'awilbeyic yo'tan te Cajwaltic Dios cu'untique, jich bit'il la apasic ta Masah.