Popular Bible Verses from 1 Pedro 3

Share

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex. Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

Melel te Cajwaltic tey me yac'oj sit ta stojol te mach'atic toj te bila ya spasique, soc ya me x'aiybot sc'opic yu'un te c'alal ya sc'oponique. Ja'uc me to, contro ya x'ilotic yu'un te mach'atic ya spasic te bila amene”, te xie.

Ma me ja'uc awutsilalic te ya ach'al abaic ta ilel ta stojol te ants-winiquetique. Jich bit'il teme c'axem to xan ya ach'al ta tesel te ajolic, soc teme ya awuanic ualiletic te pasbil ta oroe, soc teme ja' nax ya smulan awo'tanic slapel te t'ujbil c'u'ul-pac'al te bayal stojole. Ja' me xach'al abaic a te yutsil awo'tanique soc te lamal awo'tanique. Ja' me ach'alilic te ma sna' xlaje te bayal yutsil yo'tan Dios yu'une.

Te melel jich ts'ibubil jilel ta Sjun te Diose: “Te mach'a ya smulan lequil cuxlejal ta q'uinale, soc teme ya sc'an te lec nax ya xc'ax yu'un te jujun c'aale, ac'a scom yac' ta yalel bol c'op, soc ac'a scom sti' ta yalel te lotil c'ope. Ac'a jiluc yu'un te bila amene; ja' ac'a spas te bila leque. Ac'a me sle te lamal q'uinale; ja' ac'a me st'un.

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque. Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Teme ja' toyol awo'tanic ta spasel te bila leque, ¿mach'a c'an yuts'inex yu'un?

Ac'a jiluc yu'un te bila amene; ja' ac'a spas te bila leque. Ac'a me sle te lamal q'uinale; ja' ac'a me st'un.

Teme jich ya sc'an Dios te ya xc'ax awocolique, ja' lec teme ja' ta swenta te bila lec ya apasique. Ja' wocol teme scaj te bila amen la apasique.