Popular Bible Verses from Tatanigaina 39

Share

Vununa Iahova neke toka ghini Zosepu, neke boka riva va veha ghu manei, nia au tuna ka ia sugana ia faghina taghona ta tanina Izipi, neke ghua.

Potifa neke nai laori ghu ka ia kamena Zosepu ira vahina leghutau ta taghori nga taghonai. Ka ia kopu Zosepu, deo heve neke anga ghini ghenana manei ka ira vahina leghutau nga, nga ka heve kokolona ghano neke mala mahainina lama taghona. Zosepu mu neke toraina gamoso va veha nia maneveha ghena.

Manei neke nakaini Zosepu mala manefaadira ira leghu mane pipiliga nga nia neke are ghidira ira vahina leghutau neke riva ghidiro nga ka giliona ia pipiliga, e ghua.

Manei neke sakomo hioi ghu Zosepu nakai haghelina ka pipiliga ka dike auro ira mane pipiliga ka ia mane ginitaukela, neke au ghu manei aianimu. Ghe Iahova neke hohoghona ka ia nona namaha vanani Zosepu. Ia manefaana pipiliga neke veha vanani ghu ka Zosepu.

Vununa ka ianimu, keha fafatara leghunana ia ghaseborona Potifa neke tataniga age matomatoi manei kabai ghinina, neke fangai ghu ta la epu taremehanana. Ghe manei neke pake ghena neke kahe ghua ghu iahi, “Fini, ia faghina ka ara ne rangerangeau ara ta kopu ghidira vahina leghutau nga ka giliona kamotona suga iahi manei.” Deo hei ta kurui mana fuludu lao auna ara ka giliona suga iahi. Ia faghina ka ara e deo heve neke posi leghuina ka ara, nga agho lama, vununa agho mu ghaseborona manei. ?Heve ghu ghe, ga boka riva ghini nga ara kokolona leghutau ta muko iamu, ta sasakena ghu ara ka ia nahalina God?

Ghe kaike ravata, ne lao ghu Zosepu gilio ka ia suga la riva ghidira ira nona riva, e deo kaike ghu ka ira noniriva ka sugana neke auna. Manei neke sakomo va gimai Zosepu ka ia nona poko va pepeghuru kahe ghuana iahi, “!Meha epu taremehagu!” neke ghua ghini. Ghe Zosepu neke pelo kave ghena ka ia suga, neke sipa kave ghu ia nona poko va pepeghuru au hinaena ka kamenani ia ghaseborona Potifa.