Popular Bible Verses from Tatanigaina 32

Share

Ia mane neke kahe ghua ghu iahi, “Babaolouna agho to deo ge Zekopu ghu, nga Isiraeli e ghua, vununa agho noto magara taremehana God nia noni e ghua, noto paufuri ghu.”

Kahe ghua tuna iahi neke ghua ia mane, “O nakaiau, neto pagasa ia fufugho.” Ghe Zekopu neke kahe ghua iahi, “Ara e deo boka tarukaighona, noto deo la agho go vanagu veha ghu,” neke ghua ghini.

Nga manei mu neke au mo leghu taghonai kakaike. Meha tuna kaike mane ge magari ghu ge vuhai pagasa ghu ia fufugho, neke ghua.

Zekopu neke kahe ghua iahi, “Ara nato finini God ka ia vari tala taremehana, ghe ara na doli ngama.” Penieli neke ghua ghini ghu manei baolina ia malau.

Ne finini ghu ia mane ta deona taghona ge boka paufi ghu Zekopu, manei neke ruzai Zekopu ka ia soro huma papagusuna neke zuara ghu manei.

“?Hei mu babaolouna agho?” neke ghua notohona ia mane. “Zekopu,” neke ghua ungene tughuina.

Zekopu neke kahe ghua iahi, “Va kahe vanagu ko babaolou nia.” Ghe manei neke ungene tughui, “?Ne heve ghe no kabai avohi nga agho babaologu ini?” neke ghua ungene tughuna ia mane. Vanani veha tuna Zekopu aianimu neke ghua manei.

Ara e deo ga fata ghu hiorira ira leghu nou varisute nga nia va hohoghona nga noke va podolo vanaguro ara ia nou noniriva. Ara nake kadoli ia Ketuhu Zodani deo auna kaike leghutau ghu, nga kaike totongono ma, nga ghatunaina mu ara nato la leghu meha taremehadi palu leghahai pukudi noni.

Geta ghua ghu ghatunaina ghe, ira nonidi Isiraeli edika mahaini ghu ia lali ghiho ta gima ka ia papagusuna huma supiaina tagukava, vununa ia mane neke ruzai Zekopu ka lali ghiho ta gima iahi.

Verevere tuna neke ghua Zekopu, “!Agho ia God ka nogu kakamane Ebarahamu nia God ka nogu mama Aesake, nomoho mehau! Iahova, agho noke va kahe ghinagu ta ke leghuna ka ia kava taghogu nia ka ira taremehagu ta age va veharira ghu agho vahina leghutau nga malaguna ara.

Ara na verevere fangaigho ta hio va doliauna ka ia tahigumane Iso, vununa ara na maughegu ta mehana manei ghatu ta magarauna ghu ara nia ira uke taremehadi ira tuudi, e ghua.