Popular Bible Verses from Markus 2

Share

Om korongou nopo dii i Yisus di tangar diolo, om minaganu Isido do iso poiradan do ka, “I tulun do au kataru mokiubat do duktur, okonko i tulun do apangkau. Rinumikot Oku diti do mongoloou di tulun kiduso do pavaja Dogo. Okoniko i tulun minsoromo do abanar isido do loovonKu,” kadi Yisus.

Nga kaantangai nopo dii di Yisus iolo do aparsaya marong Disido, om kaDisido di tulun kimai, “Apa, noompunanno ino dusonu maino,” kadi Yisus.

Om kadi Yisus kavagu, “Kinotontuan nopo di Kinoringan diti Tadau Koingkajadan supaya koingkojod i tongotulun di karajajo, nga okoniko tontuon Disido i Tadau Koingkajadan supaya maja di tongotulun di undang-undang pasal diti Tadau Koingkajadan.

Nga au dii korikot iolo siri di Yisus do atabanan di tongotulun do oguu marong. Nga vaja dii iolo di tukad si labus do valai do minindakod si soribau taap. Jadi posutono dii diolo i taap saau di Yisus om pouluono dii diolo iri tulun kimai di poingodop siri toodoponjo.

LingasanKu iti tulun kimai do poontong Oku dikovu supaya oilaan muju do kikuasa Oku do mangampun do duso siti vonuvo do Iokuno i Sinumiliu do Tulun,” kadi Yisus. Om tilombusai Disido mitangar iri tulun kimai do, “Tungagno pogi, om kakatono ino tikamnu om pampanauno muli,” kadi Yisus.

Inombono agaan tangaronKu diti tulun kimai, nong mitangar Okupo do, ‘Noompunanno i dusonu,’ kangKupo ko, ‘Tungagno, kakatono ino tikamnu om pampanauno!’ kangKupo disido?

Tungagno dii i tulun kimai, om turus kakato dii i tikamjo sumoriat diri tongotulun toguu. Osumboijan dii marong kasangkat iolo, om minangarajouno dii iolo do Kinoringan om ka dii diolo, “Atuuk, aupo insan tokou nokoontong irad dilo!” ka.