Popular Bible Verses from MATEO 5

Share

Michata japichishpaca, cajón ucupica na churanllu. Ashtahuangarin, michata churanapimi churan. Shina churajpimi, huasi ucupi tiyajcunataca tucuillata punllayachin. Shuj gentecunapaj ñaupajpica, chashnallatami michashna punchayachina canguichi. Canguna chashna alita rurashpa causanajujta ricushpami, jahua pachapi tiyajuj cangunapaj Taitataca, paicunapash ninanda alicachinajunga.

Cangunami, cai pachapica punllayachijuj michashnalla cana canguichi. Urcu jahuapi shayachishca puebloca, na pacalla tiyajunllu.

Shungupi ima mapapash illajcunaca, ninandami cushijunga. Paicunami, Taita Diostaca ricunga.

Alitalla ruranata yarjachijshna, yacunayachijshna munajcunaca, ninandami cushijunga. Paicunami, alitalla ruranataca japinga.

Ashtahuangarin Ñucami, cashna nini: Cangunata fiñajcunatapash, juyanami canguichi. ‘Imapash tucushpaca alichari canman’ nijcunatapash alicachinami canguichi. Cangunata na ricunayachij gentecunamambash, aligutami rurana canguichi. Cangunata catiriyashpa llaquichijcunamandapash, Diosta mañanami canguichi.

“Causaipi ninandapacha llaquirishpa causashpa, Diosta mascajcunaca, ninandami cushijunga. Jahua pachapi Dios mandajuj llactaca paicunapajmi.

Fiñanajushpa causajcunata alichijcunaca ninandami cushijunga. Paicunataca, Taita Diospaj Ñuca huahuacunami ninajunga.

Llaquihuan huacashpa causajcunaca, ninandami cushijunga. Paicunataca Diosmi cushichinga.

Alitalla rurashcamanda llaquichi tucushpaca ninanda cushijunguichi. Jahua pachapi Dios mandajuj llactaca, paicunapajmi.

Shujcunata llaquishpa juyajcunaca, ninandami cushijunga. Paicunatami, Diosca llaquinga.

Ñucamanda, cangunata na ricunayachishpa, catiriyashpa llaquichijpi, imatapash llullashpa na alicachijpica, ninandami cushijuna canguichi. Ninandapacha cushijunguichilla. Cangunaca jahua pachapimi, ashtacata japinguichi. Cangunapaj ñaupa profetacunatapash chashnallatami catiriyashpa llaquichinajurca.

Na ñapash fiñarijllacunaca ninandami cushijunga. Paicunami, cai pachataca paicunapaj cachun japinga.

Cangunaca, cai pachapica cachishnami cana canguichi. Cachi huaglijpica, ¿imahuanshi cachiyachinga? Cachi huaglishpaca, imapapash na alichu. Ashtahuangarin, canllaman llujchishpa shitajpi, gentecuna sarungapallami canga.

Jahua pachapi cangunapaj Taitaca, tucui imatapash alitallami rurajun. Cangunapash, shinallatami alitalla rurashpa causana canguichi.

Ashtahuangarin, usharina cajpillami: ‘Ari, ari’ nina cangui. Na usharina cajpica: ‘Na, na’ ninami cangui. Imatapash ashtahuan mirachishpa ninataca, diablomi yarichijun.

‘Pipash fiñashpa ñavita surcujpica, paitapash ñavita surcunguilla. Shinallata, quiruta llujchijpica, paitapash quiruta llujchinguilla’ nishcataca uyarcanguichimi. Ashtahuangarin Ñucami, cashna nini: Canda llaquichijpica, na tigrachishpa saquinguilla. Pipash canda ali lado ñavipi huajtajpica, shuj ladotapash ricuchinguilla.

Shina cashcamanda, cambaj ali maquiman tiyajuj ñavi na alita rurachingapa munajpica, surcushpa shitangui. Cambaj tucuilla cuerpohuan ucu pachaman shitai tucungapa randica, shujlla ñavita llujchishpa shitanami ashtahuan ali canga. Shinallata, cambaj ali maqui imatapash japishpa, na alita rurachingapa munajpica, muchushpa shitangui. Cambaj tucuilla cuerpohuan ucu pachaman shitai tucungapa randica, shuj maquitalla muchushpa shitanami ashtahuan ali canga.