Popular Bible Verses from MATEO 4

Share

Shina nijpimi Jesusca cashna nirca: “Quilcashcapica cashnami nijun: ‘Gentecunaca, na tandahuanlla causangachu. Ashtahuangarin, Taita Dios tucui rimashca shimicunahuanmi causanga’ nijunmi” nirca.

Shina nijpimi Jesusca: “Satanás, caimanda anchuri. Quilcashcapica: ‘Canta Mandaj Diostallami ninanda alicachingui. Paipajtalla rurashpa causangui’ nijunmi” nirca.

Shina nijpimi Jesusca cashna nirca: “Cashnatapashmi quilcashcapica nijun: ‘Canda Mandaj Diostaca, ama can munashcata rurachun mandanguichu’ nijunmi” nircami.

Chai jipami Jesustaca, diablo pandachijuchun jichushca pambaman Diospaj Espíritu aparca. Jesusca, chuscu chunga punlla, chuscu chunga tutata na micushca cashpami, ninanda yarjachijurca.

Paicunatami: “Ñucata catihuaichi. Cangunataca, pijita japijshna gentecunata tandachijcuna cachunmi rurasha” nirca. Shina nijpimi paicunaca, linllicunata chaipi saquishpa Jesusta catinajurca.

Chai punllamanda callarishpami, Jesusca cashna nishpa villajurca: “Juchayu cashcamanda ninanda llaquirishpa, Diospajman tigrarichi. Jahua pachamanda Dios mandanaca, ñami chayamushca” nijurcami.