Popular Bible Verses from 約翰福音 19

Share

啖了後，耶穌講：「完成啦！」 講了，頭勾落去，氣就斷。

此個事以後，耶穌知一切的代誌已經完成，為著欲應驗聖經的話就講：「我嘴焦。」

耶穌看著伊的老母，閣看著伊所疼彼個門徒徛佇邊仔，就對伊的老母講：「阿母，看，你的子！」 後來伊對彼個門徒講：「看，你的老母！」對彼時起，彼個門徒給耶穌的老母接轉去𪜶兜。

𪜶來到耶穌遐，看著伊已經死，就無給伊的腳骨摃斷。 毋拘有一個兵用槍鑿耶穌的脇下，隨時有血及水流出來。

諸個代誌發生是欲應驗聖經的話：「伊的骨連一支都𣍐摃斷。」 閣另外有一句經文講：「𪜶會仰望𪜶用槍給伊鑿的人。」

耶穌出來，背家己的十字架，來到彼個叫做「頭殼碗嶺」的所在，希伯來話叫做 各各他 。

許個兵用刺仔編一頂王冠給伊戴佇頭殼頂，閣給伊幔一領紫色的長袍。