Popular Bible Verses from 約翰福音 15

Share

「我是葡萄樹，恁是枝。及我結連，我嘛及伊結連的，會結真多果子，因為無我，恁𣍐當做什麼。

恁著不時及我結連，我就不時及恁結連。枝無連佇葡萄樹，家己𣍐結果子；恁若無及我結連嘛是按呢。

恁若及我結連，我的話佇恁內面，恁無論愛什麼，求就給恁實現。

毋是恁揀選我，是我揀選恁，閣任命恁，互恁去結果子，互恁的果子會當永遠保存。按呢，恁奉我的名無論對父求什麼，伊會互恁。

人為著朋友犧牲性命，無比這較大的疼。

連佇我閣無結果子的枝，伊就給伊剪起來；有結果子的枝，伊就給伊修剪，互伊結較多果子。

親像我有疼恁，恁著相疼；這是我的命令。

恁若結真多果子，表示恁是我的門徒，我的父會因為按呢得著榮光。

「我是真的葡萄樹，我的父是種葡萄的。

人若無及我結連，會親像焦去的枝互人㧒出去外面，拾歸堆，㧒落火燒。

「我給恁講諸個代誌，是欲互我的歡喜佇恁內面，閣互恁的歡喜滿滿。

恁若遵守我的命令，恁會不時𫢶佇我的疼內面，親像我有遵守我的父的命令，不時𫢶佇伊的疼內面。

這是我互恁的命令：恁著彼此相疼。」

恁若屬此世間，世間人會看恁做家己的人給恁疼。不過我已經對世間給恁揀選出來，恁毋是屬此世間，因為按呢世間人怨恨恁。