Popular Bible Verses from 約翰福音 14

Share

「我將平安留互恁；我將我的平安賜互恁。我賜互恁的及此世間啲互人的無仝款。恁的心毋通著急不安，嘛毋通驚惶。

耶穌給伊講：「我就是道路、真理、活命。若毋是通過我，無人會當去父遐。

耶穌閣講：「恁的心毋通著急不安。著信上帝，嘛著信我。

毋拘慰助者，就是父用我的名欲差來的聖神，會將一切的代誌教示恁，嘛會互恁會記得我給恁講一切的話。

「接受我的命令閣遵守的就是疼我的人。疼我的，我的父會疼伊；我嘛會疼伊，閣將本身顯現互伊看。」

我欲對父求，伊會賜恁另外一位慰助者，通及恁永遠同在。 伊是真理的神，世間人𣍐當接受的，因為𪜶無看見伊，嘛毋識伊。毋拘恁識伊，因為伊及恁同在，會繼續佇恁內面。

恁奉我的名無論求什麼，我一定會給恁做，通互父對子得著榮光。 恁若奉我的名無論求什麼，我一定會給恁做。」

「恁若疼我，就會遵守我的命令。

佇我的父的厝有真多房間，我去是欲給恁準備所在。若毋是按呢，我𣍐給恁講此個代誌。

我去給恁備辦所在了後，會閣來導恁去我遐；我佇遐，恁嘛會佇遐。

多馬 給耶穌講：「主啊，阮都毋知你欲去叨位，欲哪會知彼條路？」