Popular Bible Verses from 創世記 50

Share

以前恁對我的意念是歹，毋拘上帝的意思是好，今仔日才會當有即多人活啲。

約瑟 對𪜶講：「毋免驚；我哪會當代替上帝？

今恁毋免驚；我會照顧恁及恁的子兒。」 約瑟 用仁慈的話安慰𪜶，互𪜶安心。

『恁著給 約瑟 按呢講：以前你的兄哥歹款待你，你著赦免𪜶的過失及罪惡。』今，阮是你的老父的上帝的僕人，求你赦免阮的罪惡。」𪜶對 約瑟 講諸個話， 約瑟 就哭出來。

約瑟 對伊的兄弟講：「我閣食無偌久啦；毋拘上帝一定會照顧恁，導恁對遮上去到伊立誓應允欲互 亞伯拉罕 、 以撒 、 雅各 的地。」

約瑟 叫 以色列 的子孫咒誓， 約瑟 講：「上帝一定會照顧恁，恁著將我的骨骸運倒轉去 迦南 地。」

約瑟 死，抵仔百一歲；人用香料給伊抹，將伊囥佇棺木，停佇 埃及 。