Popular Bible Verses from 創世記 49

Share

王權無離開 猶大 ， 伊的後代久長統治； 萬國會來進貢； 萬民攏來歸順。

「 約瑟 親像水泉邊的野驢， 親像山崙仔頂的野馬。 射箭的人猛烈攻擊伊， 用箭射伊，追趇伊；

毋拘伊倚靠 雅各 的大能者， 伊的弓猶原緊； 伊倚靠 以色列 的牧者及石磐， 伊的手猶有力。 你的老父的上帝欲幫贊你； 全能者欲賜福你。 伊欲賞賜你天頂的福氣， 深淵隱藏的福氣； 互你子孫真多，牲生興旺。

「 猶大 ，你的兄弟欲謳咾你； 你的手欲扼對敵的頷頸； 你的老父的子欲屈服佇你面前。 猶大 是細隻獅； 我的子，你掠著獵物就倒去洞穴。 猶大 仆啲親像獅公， 倒啲親像獅母， 啥人敢惹伊？

「 呂便 ，你是我的大子，我的精力， 是我勇壯的時生的第一個子， 應該極其尊榮，氣力超群。 毋拘你親像四界沖的大水， 𣍐當閣佇兄弟中作大； 因為你𬦰上恁老父的眠床， 𬦰起去我的床舖，給伊拍垃墋。