Popular Bible Verses from ROMANOS 6

Share

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Sane axɨmanu nomɨnantɨ champɨki nɨriakax aume, ityopiki chɨtɨpɨ ui napakokonaunku ɨmo bakɨpukux uiti Moisés, ta ui nipukɨruxti Tupax.

Ui axɨna osɨrikia uɨkatityo kɨtu ichepeti Cristo, okonka nauki osɨbori tato sane kiatax tato nosɨboriki. Sane takanati Jesucristo sɨborikoti tato ui noñema niyarusɨrɨkɨxti Yaɨtoti.

Tapɨ apityoximiata naukɨtɨpɨ ɨmo nomɨnantɨ, nauki uixh aisamune axɨna chuxiampɨ. Apityoximia tyone ɨmoti Tupax, takanati naki tɨkoiñoti ta sɨborikoti tato, apityoximiaintyo naukɨtɨpɨ axɨna uiche aisamune axɨna uxia au ñakionkoxti.

Tusiu oemo axɨna nosɨboriki tɨkañe takubaxio kɨtɨpɨ kurusɨx chepeti Jesucristo, nauki ako axɨmanu nomɨnantɨ okɨtɨpɨki nauki tapɨ uisamutenki nomɨnantɨ.

Saneityo axaño apisamuse takana axtɨ aukonka aɨbu nomɨnantɨ aboi, tapɨ ɨmoti Tupax ausɨborikia chepeti Cristo Jesús.

¿Isane kaɨma usurapoboibo? ¿Sɨsio oñɨ uisamune axɨba nomɨnantɨ, nauki axti Tupax aityusiankati taruku nipukɨruxti utaku? ¡Chɨsanempɨ! Axoñɨ chauki tokonka ɨmo nomɨnantɨ. ¿Kausane sɨsio oñɨ uisamune nomɨnantɨ?

Axaño tusiu nuxia aume axtɨ apityoximiakaño nauki apaserebi ɨmoti taman ñoñɨnx, kumanakax año ɨmoti maniki ɨmoche apaserebikia. Axɨna sane, ta axtɨ apakokonaunka ɨmo nomɨnantɨ, axɨna uiche amekatɨ ɨmo naukonko, tapɨ axtɨ apakokonaunka ɨmoti Tupax uxia nausɨboriki.

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume. Axtɨ tautaesɨbuka pɨnanaki nomɨnantɨ, axaño apaserebikia ɨmo axɨna uxia.