Popular Bible Verses from ROMANOS 5

Share

Axti Tupax ityusiankatati axɨna taruku nukuasɨrɨkɨ ɨmoti, naukiche tɨkañe taruku nomɨnantɨ osoi axti Cristo koiñoti otopiki.

Axɨmanu iyebo ñana osoi esati Tupax, chɨtɨpɨ mapankax, ityopiki axti Tupax auki noñemaxti Espíritu Santo axɨna nuyausasɨ isamute nanaiña axɨba omixhia.

Chityoneantaipɨ, upukɨnunkaityo oboi nutakisɨrɨkɨ. Tyopiki tusiu oemo ui axɨna nutakisɨrɨkɨ chuɨkapɨtɨ isiu kiatax mapanaunkux, ui axɨna chuɨkapɨtɨ isiu kiatax mapanaunkux, uixh uxia nosɨboriki au nastaxti Tupax ityopiki ñana iyebo osoi esati Tupax.

Axti Tupax, chauki tɨbesɨro uiti nosɨboriki, ui numakokonaunku, taikiana uxia osoi oemantoe aɨbuti Tupax, ityopikiti Yɨriabux Jesucristo. Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Naukiche tɨkañe chuipiakapɨ uisamune axɨna uxia utakuatoe, axti Cristo koiñoti tapɨ oñensoka yotopiki axɨba taruku nomɨnantɨ osoi.

Tapɨ kaɨma axɨna uxia nosɨboriki uiti Tupax auki nikonkoxti Jesucristo. Sane naukiche utaesɨbuka ñana pɨnanaki nutakisɨrɨkɨ tyopikiti.

Sane takana ui axɨna niñatompɨkakaxti tamanti ñoñɨnx, sɨrɨmanama axɨbama tapenekoma au nomɨnantɨ. Saneityo takana ui ñakokonaunkuxti tamanti ñoñɨnx, sɨrɨmanama ñana axɨbama uxia nisɨborikixhimia.

Chɨtɨpɨ tyoneantai, ta upukɨnunkaityo aɨbuti Tupax ityopikiti Yɨriabux Jesucristo, uiti Jesucristo basutiu kaɨma axɨna uxia tato uiti Tupax oemo.