Popular Bible Verses from Iok-hān Hok-im 16

Share

Góa ū chiong chiah-ê tāi-chì kā lín kóng, sī beh hō͘ lín tī góa lāi-bīn ū pêng-an. Tī sè-kan lín ū khó͘-lān, m̄-kú tio̍h ióng-kám, góa í-keng khah iâⁿ sè-kan.”

Chin-lí ê Sîn lâi ê sî, I ōe chhōa lín liáu-kái it-chhè ê chin-lí. I bōe chiàu ka-kī ê ì-sù kóng, ōe chiàu só͘ thiaⁿ--kìⁿ-ê lâi kóng, mā ōe kā lín thoân-ta̍t teh-beh lâi ê sū.

Kàu hiān-chāi, lín iáu m̄-bat hōng góa ê miâ kiû sím-mi̍h. Lín tio̍h kiû, chiū ōe tit--tio̍h, thang hō͘ lín ê hoaⁿ-hí móa-móa.”

Put-kò, góa tio̍h chiong si̍t-chêng kā lín kóng: Góa khì, sī tùi lín ū lī-ek, in-ūi góa nā bô khì, Ùi-chō͘-chiá chiū bōe lâi lín chia; góa nā khì, góa ōe chhe I lâi lín chia. I lâi ê sî, ōe kā sè-kan-lâng chí-chèng in tùi chōe, tùi gī, tùi sím-phòaⁿ ê koan-liām ū chhò-gō͘.

Chhin-chhiūⁿ án-ni, hiān-chāi lín ū iu-chhiû, put-kò góa ōe koh kìⁿ-tio̍h lín, lín ê sim chiū ōe hoaⁿ-hí; lín ê hoaⁿ-hí bô lâng ōe kā lín chhiúⁿ--khì. “Tī hit-ji̍t, lín bōe koh kā góa mn̄g sím-mi̍h. Góa si̍t-si̍t-chāi-chāi kā lín kóng: Lín hōng góa ê miâ bô-lūn tùi Pē kiû sím-mi̍h, I ōe sù hō͘ lín.

Góa si̍t-si̍t-chāi-chāi kā lín kóng, lín ōe thî-khàu ai-siong, m̄-kú sè-kan-lâng ōe hoaⁿ-hí; lín ōe iu-chhiû, m̄-kú lín ê iu-chhiû ōe pìⁿ-chòe hoaⁿ-hí.