Popular Bible Verses from Iok-hān Hok-im 15

Share

“Góa sī phû-tô-chhiū, lín sī ki. Kap góa kiat-liân, góa mā kap i kiat-liân--ê, ōe kiat chin chōe ké-chí, in-ūi bô góa, lín bōe-tàng chòe sím-mi̍h.

Lín tio̍h put-sî kap góa kiat-liân, góa chiū put-sî kap lín kiat-liân. Ki bô liân tī phû-tô-chhiū, ka-kī bōe kiat ké-chí; lín nā bô kap góa kiat-liân mā-sī án-ni.

Lín nā kap góa kiat-liân, góa ê ōe tī lín lāi-bīn, lín bô-lūn ài sím-mi̍h, kiû chiū kā lín si̍t-hiān.

M̄-sī lín kéng-soán góa, sī góa kéng-soán lín, koh jīm-bēng lín, hō͘ lín khì kiat ké-chí, hō͘ lín ê ké-chí ōe-tàng éng-oán pó-chûn. Án-ni, lín hōng góa ê miâ bô-lūn tùi Pē kiû sím-mi̍h, I ōe hō͘ lín.

Lâng ūi-tio̍h pêng-iú hi-seng sìⁿ-miā, bô pí che khah-tōa ê thiàⁿ.

Liân tī góa koh bô kiat ké-chí ê ki, I chiū kā i chián--khí-lâi; ū kiat ké-chí ê ki, I chiū kā i siu-chián, hō͘ i kiat khah chōe ké-chí.

Chhin-chhiūⁿ góa ū thiàⁿ lín, lín tio̍h saⁿ-thiàⁿ; che sī góa ê bēng-lēng.

Lín nā kiat chin chōe ké-chí, piáu-sī lín sī góa ê bûn-tô͘, góa ê Pē ōe in-ūi án-ni tit-tio̍h êng-kng.

“Góa sī chin ê phû-tô-chhiū, góa ê Pē sī chèng phû-tô--ê.

Lâng nā bô kap góa kiat-liân, ōe chhin-chhiūⁿ ta--khì ê ki hō͘ lâng hiat chhut-khì gōa-bīn, khioh kui-tui, hiat-lo̍h hé sio.

“Góa kā lín kóng chiah-ê tāi-chì, sī beh hō͘ góa ê hoaⁿ-hí tī lín lāi-bīn, koh hō͘ lín ê hoaⁿ-hí móa-móa.

Lín nā chun-siú góa ê bēng-lēng, lín ōe put-sî tiàm tī góa ê thiàⁿ lāi-bīn, chhin-chhiūⁿ góa ū chun-siú góa ê Pē ê bēng-lēng, put-sî tiàm tī I ê thiàⁿ lāi-bīn.

Che sī góa hō͘ lín ê bēng-lēng: Lín tio̍h pí-chhú saⁿ-thiàⁿ.”

Lín nā sio̍k chit sè-kan, sè-kan-lâng ōe khòaⁿ lín chòe ka-kī ê lâng kā lín thiàⁿ. Put-kò góa í-keng tùi sè-kan kā lín kéng-soán--chhut-lâi, lín m̄-sī sio̍k chit sè-kan, in-ūi án-ni sè-kan-lâng oàn-hūn lín.