Popular Bible Verses from पठालोबितामन 5

Share

तेबे पतरस आउर दुसर पठालोबितामन जबाप दिला, “मानेमन चो हुकुम ले बडुन भाती माहापुरू चो हुकुम के मानतोर ची आमचो काम आय।”

हुनमन रोजे दिना मंदिर ने आउर घर-घर ने उपदेश करतोर, आउर ऐ गोठ चो नगतखबर सुनातो ले कि ईशु ची मसीह आय।

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?” जिदलदाय ले हुन तुचो लगे रली, काय तुचो नी रली? आउर जिदलदाय बिकरी होली तेबे काय तुचो अधिकार नी रली? तुय ऐ गोठ आपलो मन ने केंव बिचार लिस? “तुय मानेमन ले नाई, मान्तर माहापुरू ले झूठ बल्ली सीस?” ऐ गोठमन सुनते ची हनन्या घसरुन पड़लो आउर जीव छांडुन दिलो, आउर सपाय सुनतो बितामन थाने बड़े डर बसली।

ऐईकाजे अदायं मय तुमके बलें सें, ऐ मानेमन ले लापी ची राहा आउर ऐ मन ले काई काम नी संगाआ; कसनबल्लोने अगर ऐ धरम नाहले काम मानेमन चो बाटले होओ तेबे तो मेटून जाये दे; “मान्तर अगर माहापुरू चो बाटले आय, तेबे तुमी हुनमन के केबीई बले मेटाक नी सका से। काहांय असन नी होओ कि तुमी माहापुरू ले बले लड़तो बिता ठेबा।”